இந்தியாவுக்கு 105 பயணிகள் விமானங்கள்: ரஷ்ய அரசின் யுனைடெட் ஏர்கிராப்ட் நிறுவனம் அறிவிப்பு
புதுடெல்லி: டெல்லி பாரத் மண்டபத்தில் சர்வதேச தொழில் கண்காட்சி நேற்று தொடங்கியது. இந்த கண்காட்சியில் ரஷ்ய அரசு நிறுவனமான யுனைடெட் ஏர்கிராப்ட் கார்ப்பரேஷன் (யுஏசி) உட்பட 200-க்கும் மேற்பட்ட பன்னாட்டு, இந்திய நிறுவனங்கள் பங்கேற்று உள்ளன.
கண்காட்சியின் முதல் நாளான நேற்று ரஷ்யாவின் யுஏசி நிறுவனத்துக்கும் 3 இந்திய விமானப் போக்குவரத்து நிறுவனங்களுக்கும் இடையே ஒப்பந்தங்கள் கையெழுத்தாகின. இதன்படி யுஏசி நிறுவன தயாரிப்பான ஐஎல்-114-300 ரகத்தைச் சேர்ந்த 105 பயணிகள் விமானங்கள் இந்திய நிறுவனங்களுக்கு விநியோகம் செய்யப்பட உள்ளன.
