Asian Para Games 2026: ಭಾರತದ ಪದಕ ಬೇಟೆ ಆರಂಭ: ಮೋನಾಗೆ ಚಿನ್ನ, ಅವನಿಗೆ ರಜತ ಪದಕ
ನಗೋಯಾ: ಜಪಾನ್‌ ನ ಐಚಿ-ನಗೋಯಾದಲ್ಲಿ ಆರಂಭವಾಗಿರುವ ಪ್ಯಾರಾ ಏಷ್ಯನ್ ಗೇಮ್ಸ್‌ ನಲ್ಲಿ ಭಾರತದ ಪದಕ ಬೇಟೆ ಆರಂಭವಾಗಿದೆ. ಮಹಿಳೆಯರ 10 ಮೀಟರ್ ಏರ್ ರೈಫಲ್ ಸ್ಟ್ಯಾಂಡಿಂಗ್ SH1 ಫೈನಲ್‌ನಲ್ಲಿ ಮೋನಾ ಅಗರ್ವಾಲ್ ಬಂಗಾರದ ಪದಕ ಗೆದ್ದರೆ, ಇದೇ ಸ್ಪರ್ಧೆಯಲ್ಲಿ ಅವನಿ ಲೇಖರಾ ಬೆಳ್ಳಿ ಗೆದ್ದರು.
ಮೋನಾ ಅಗರ್ವಾಲ್ ಅವರು ಅರ್ಹತಾ ಸುತ್ತಿನಲ್ಲಿ 629.1 ಅಂಕಗಳೊಂದಿಗೆ ಅಗ್ರಸ್ಥಾನ ಪಡೆದರು, ನಂತರ ಅತ್ಯಂತ ರೋಚಕವಾಗಿ ಸಾಗಿದ ಫೈನಲ್‌ನಲ್ಲಿ ಚಿನ್ನದ ಪದಕವನ್ನು ಗೆದ್ದುಕೊಂಡರು. ಒಟ್ಟು 250.0 ಅಂಕಗಳನ್ನು ಗಳಿಸಿದ ಅವರು, ತಮ್ಮದೇ ದೇಶದ ಅವನಿ ಲೇಖರಾ ಅವರನ್ನು ಕೇವಲ 0.4 ಅಂಕಗಳ ಅಂತರದಿಂದ ಹಿಂದಿಕ್ಕಿದರು. ಈ ಮೂಲಕ ಏಷ್ಯನ್ ಪ್ಯಾರಾ ಗೇಮ್ಸ್‌ನಲ್ಲಿ ಭಾರತಕ್ಕೆ ಮೊದಲ ಮತ್ತು ಎರಡನೇ ಸ್ಥಾನಗಳು (1-2 ಫಿನಿಶ್) ಲಭಿಸುವಂತೆ ಮಾಡಿದರು.
ಅಂತಿಮ ಸುತ್ತುಗಳಲ್ಲಿ ಇಬ್ಬರೂ ಸ್ಪರ್ಧಿಗಳು ತೀವ್ರ ಪೈಪೋಟಿ ನೀಡಿದರು. ಅಂತಿಮವಾಗಿ ಮೋನಾ 250.0 ಅಂಕಗಳೊಂದಿಗೆ ಚಿನ್ನದ ಪದಕವನ್ನು ಗೆದ್ದುಕೊಂಡರೆ, ಅವನಿ 249.6 ಅಂಕಗಳೊಂದಿಗೆ ಬೆಳ್ಳಿ ಪದಕವನ್ನು ಪಡೆದರು; ಇವರಿಬ್ಬರ ನಡುವಿನ ಅಂತರ ಕೇವಲ 0.4 ಅಂಕಗಳಷ್ಟಿತ್ತು. ದಕ್ಷಿಣ ಕೊರಿಯಾದ ಲೀ ಯುನ್ರಿ 227.9 ಅಂಕಗಳೊಂದಿಗೆ ಮೂರನೇ ಸ್ಥಾನ ಪಡೆದರು.
