ധര്‍മസന്ദേശ യാത്ര ഇനിയും തുടരട്ടെ
വിവിധ ഗുരുപരമ്പരകളില്‍പ്പെടുന്ന ആശ്രമങ്ങളില്‍ നിന്നുള്ള രണ്ടായിരത്തോളം സംന്യാസി ശ്രേഷ്ഠന്മാര്‍ പങ്കെടുത്ത ധര്‍മസന്ദേശയാത്ര ഹിന്ദു സമൂഹത്തില്‍ പുതിയൊരു ഉണര്‍വ് സൃഷ്ടിച്ചിരിക്കുകയാണ്. സംന്യാസിമാരുടെ നേതൃത്വത്തില്‍ മാത്രം നടന്ന ഇതുപോലൊരു യാത്ര കേരളത്തിന് അപൂര്‍വ്വമായ അനുഭവമാണ്. ജാതി വിവേചനങ്ങളുടെ ഭ്രാന്താലയമായ കേരളത്തെ തീര്‍ത്ഥാലയത്തിലേക്ക് നയിച്ച ശ്രീനാരായണ ഗുരുദേവന്‍ സ്ഥാപിച്ച മംഗലാപുരത്തെ ഗോകര്‍ണനാഥേശ്വര ക്ഷേത്രത്തില്‍ നിന്ന് ആരംഭിച്ച് തിരുവനന്തപുരത്തെ ഗാന്ധി പാര്‍ക്കില്‍ സമാപനം കുറിച്ച ധര്‍മസന്ദേശയാത്ര തീര്‍ച്ചയായും ഹിന്ദു സമൂഹത്തിന് പുതിയൊരു ദിശാബോധം പകര്‍ന്നു നല്‍കിയിരിക്കുകയാണ്.