50 ಲಕ್ಷ ರೂ. ಬಜೆಟ್‌, 14,000% ಲಾಭ; ಬಾಕ್ಸಾಫೀಸ್‌ನಲ್ಲಿ ದಾಖಲೆ ಬರೆದ ಗುಜರಾತಿ ಸಿನಿಮಾ

ಗಾಂಧಿನಗರ್:‌ ಸಣ್ಣ ಬಜೆಟ್‌ನಲ್ಲಿ ಬಂದ ಸಿನಿಮಾವೊಂದು ಬಾಕ್ಸಾಫೀಸ್‌ನಲ್ಲಿ ಕೋಟಿ ಕೋಟಿ ಗಳಿಕೆ ಕಾಣುತ್ತಿದೆ. ಆ ಮೂಲಕ ಆ ಭಾಷೆಯಲ್ಲಿ ಅತೀ ಹೆಚ್ಚು ಗಳಿಕೆ ಕಾಣುವತ್ತ ದಾಪುಗಾಲಿಡುತ್ತಿದೆ. ಗುಜರಾತಿ ಚಿತ್ರ 'ಲಾಲೋ - ಕೃಷ್ಣ ಸದಾ ಸಹಾಯತೆ' (Laalo - Krishna Sada Sahaayate) ರಿಲೀಸ್‌ ಆಗಿ ಏಳು ವಾರಗಳು ಕಳೆದಿದ್ದು, ಏಳನೇ ವಾರದಲ್ಲೂ ಪ್ರೇಕ್ಷಕರ ಮನೆ ಗೆದ್ದಿದೆ. ಭಕ್ತಿ ಪ್ರಧಾನ ಕಥೆಯನ್ನೊಳಗೊಂಡಿರುವ 'ಲಾಲೋ - ಕೃಷ್ಣ ಸದಾ ಸಹಾಯತೆ' 100 ಕೋಟಿ ರೂಪಾಯಿ ಗಳಿಕೆಯತ್ತ ಸಾಗುತ್ತಿದೆ. ಈಗಾಗಲೇ ಚಿತ್ರ ಶೇ. 14,000 ಕ್ಕೂ ಹೆಚ್ಚು ಲಾಭ ಗಳಿಸಿದೆ ಎಂದು ವರದಿಯಾಗಿದೆ.