67 കെഎസ്ആർടിസി ബസുകൾക്ക് പെർമിറ്റ്; പമ്പയിൽനിന്ന് തമിഴ്നാട്ടിലെ 7 കേന്ദ്രങ്ങളിലേക്കു സർവീസ്

ശബരിമല ∙ പമ്പയിൽനിന്നു തമിഴ്നാട്ടിലെ 7 കേന്ദ്രങ്ങളിലേക്കു സംസ്ഥാനാന്തര സർവീസ് നടത്താൻ കെഎസ്ആർടിസിയുടെ 67 ബസുകൾക്ക് പെർമിറ്റ്. ചെന്നൈ, കോയമ്പത്തൂർ, പഴനി, തെങ്കാശി, കന്യാകുമാരി, കമ്പം, തിരുനെൽവേലി എന്നിവിടങ്ങളിലേക്ക് സർവീസ് നടത്താനാണ് പെർമിറ്റ്. ഇതിൽ കോയമ്പത്തൂർ സർവീസ് പരീക്ഷണ അടിസ്ഥാനത്തിൽ തുടങ്ങി. രാവിലെ 9.45ന് ആണ് പമ്പയിൽനിന്നു പുറപ്പെട്ടത്. നല്ല പ്രതികരണമാണ് ലഭിച്ചത്. കെഎസ്ആർടിസിക്കു ലഭിച്ച അത്രയും പെർമിറ്റ് തമിഴ്നാടിന്റെ എസ്‌സിഇടി ബസുകൾക്കും ലഭിച്ചു. അവർ പമ്പയിൽനിന്ന് ചെന്നൈ, തിരുനെൽവേലി എന്നിവിടങ്ങളിലേക്കും സർവീസ് തുടങ്ങി.