അണ്ണാഡിഎംകെ നേതാവ് സെങ്കോട്ടയ്യന്‍ ടിവികെയില്‍ ചേര്‍ന്നു; സ്വീകരിച്ച് വിജയ്, ഒപ്പം മുന്‍ എംപിയും
ചെന്നൈ: പ്രമുഖ അണ്ണാഡിഎംകെ നേതാവ് കെഎ സെങ്കോട്ടയ്യന്‍ ദളപതി വിജയ് നേതൃത്വം നല്‍കുന്ന തമിഴക വെട്രി കഴകം (ടിവികെ) പാര്‍ട്ടിയില്‍ ചേര്‍ന്നു. ആദ്യമായിട്ടാണ് ഇത്രയും മുതിര്‍ന്ന നേതാവ് ടിവികെയില്‍ ചേരുന്നത്. ഒമ്പത് തവണ എംഎല്‍എയും പലകുറി മന്ത്രിയുമായിരുന്ന വ്യക്തിയാണ് സെങ്കോട്ടയ്യന്‍. അദ്ദേഹത്തിനൊപ്പം മുന്‍ എംപിയും മുന്‍ എംഎല്‍എയും ഉള്‍പ്പെടെയുള്ളവര്‍ ടിവികെ അംഗത്വമെടുത്തു.