യുക്രൈന്‍ യുദ്ധം ആരംഭിച്ചശേഷമുള്ള ആദ്യ സന്ദര്‍ശനം; മോദി-പുടിന്‍ കൂടിക്കാഴ്ച്ചയുടെ അജണ്ട ഇതാണ്
ന്യൂഡല്‍ഹി: റഷ്യന്‍ പ്രസിഡന്റ് വ്‌ളാഡിമിര്‍ പുടിന്‍ അടുത്ത മാസം ഇന്ത്യ സന്ദര്‍ശിക്കും. ഡിസംബര്‍ 4, 5 തീയതികളില്‍ നടക്കുന്ന ഇരുപത്തിമൂന്നാമത് ഇന്ത്യ-റഷ്യ വാര്‍ഷിക ഉച്ചകോടിയില്‍ പങ്കെടുക്കുന്നതിനാണ് പുടിന്‍ ഇന്ത്യയില്‍ എത്തുന്നത്. ഇന്ത്യന്‍ പ്രധാനമന്ത്രി നരേന്ദ്ര മോദിയുടെ പ്രത്യേക ക്ഷണപ്രകാരമാണ് ഇന്ത്യാ സന്ദര്‍ശനം. റഷ്യയില്‍ നിന്ന് എണ്ണ ഇറക്കുമതി ചെയ്യുന്നതുമായി ബന്ധപ്പെട്ട് ഇന്ത്യ അമേരിക്കയുമായി ഇടഞ്ഞുനില്‍ക്കുന്ന സാഹചര്യത്തില്‍ പുടിന്റെ ഇന്ത്യാ സന്ദര്‍ശനത്തിന് വലിയ പ്രാധാന്യമുണ്ട്. 2021 ഡിസംബറിലാണ് പുടിന്‍ അവസാനമായി ഇന്ത്യ സന്ദര്‍ശിക്കുന്നത്. യുക്രൈന്‍-റഷ്യ യുദ്ധം ആരംഭിച്ച ശേഷം ഇതാദ്യമായാണ് പുടിന്‍ ഇന്ത്യയില്‍ എത്തുന്നത്.