‘മൂന്നാംലോകക്കാർ ഇങ്ങോട്ടു വരേണ്ട’: കുടിയേറ്റം എക്കാലത്തേക്കുമായി നിർത്തിവയ്ക്കും, ആനുകൂല്യങ്ങൾ നിർത്തലാക്കും; ട്രംപിന്റെ ഭീഷണി

വാഷിങ്ടൻ ∙ യുഎസ് അഭയം നൽകിയ അഫ്ഗാൻ കുടിയേറ്റക്കാരൻ വൈറ്റ്ഹൗസിനു സമീപം നടത്തിയ വെടിവയ്പിൽ നാഷനൽ ഗാർഡ് അംഗം സാറ ബെക്സ്‌ട്രോം(20) കൊല്ലപ്പെട്ടതിനുപിന്നാലെ കുടിയേറ്റം തടയാനുള്ള കർശന നടപടികൾ പ്രസിഡന്റ് ഡോണൾഡ് ട്രംപ് പ്രഖ്യാപിച്ചു. ‘മൂന്നാം ലോക രാജ്യങ്ങളിൽ’ നിന്നുള്ള കുടിയേറ്റം ‘എക്കാലത്തേക്കുമായി നിർത്തിവയ്ക്കും’; പൗരത്വമില്ലാത്തവർക്കായി ഫെ‍ഡറൽ ഭരണക‌ൂ‌ടം നൽകുന്ന ആനുകൂല്യങ്ങളും സബ്സിഡികളും നിർത്തലാക്കും.