ముందు వెనక చూస్కోవాలి కదా: పొరపాటున 3 అమెరికన్ ఫైటర్ జెట్లను కూల్చేసిన కువైట్

వాషింగ్టన్: ఇరాన్ సుప్రీం లీడర్ అయతుల్లా అలీ ఖమేనీ మరణంతో రగిలిపోతున్న ఇరాన్ ప్రతి దాడులు భీకరంగా చేస్తోంది. ఒకవైపు ఇజ్రాయెల్‎.. మరోవైపు మిడిల్ ఈస్ట్‎లోని యూఎస్ సైనిక స్థావరాలు, అమెరికా మిత్ర దేశాలపై విరుచుకుపడుతోంది. అమెరికా–ఇరాన్ యుద్ధం పీక్ స్టేజ్‎లో ఉన్న వేళ యూఎస్ మిత్ర దేశం కువైట్‎లో మూడు అమెరికన్ యుద్ధ విమానాలు కుప్పకూలాయి.

ఇరానే అమెరికా యుద్ధ విమానాలను కూల్చివేసిందనుకున్నారు అంతా. కానీ ఆ మూడు ఫైటర్ జైట్లను కూల్చేసింది ఇరాన్ కాదు కువైట్ అంటా. ఈ విషయాన్ని స్వయంగా అమెరికానే వెల్లడించింది. ఇరాన్‎పై దాడులు చేసే క్రమంలో కువైట్ పొరపాటున మూడు అమెరికా యుద్ధ విమానాలను కూల్చి వేసిందని యూఎస్ ప్రకటించింది.

‘‘కువైట్‌లో కూలిపోయిన మూడు అమెరికన్ F-15E స్ట్రైక్ ఈగల్స్‌ను కువైట్ వైమానిక రక్షణ వ్యవస్థ పొరపాటున కూల్చివేసింది. ఇరాన్‎పై ప్రతి దాడులు చేసే క్రమంలో ఈ ఘటన జరిగింది. ఆరుగురు సిబ్బంది సురక్షితంగా బయటపడ్డారు. ప్రస్తుతం వారు క్షేమంగా ఉన్నారు. ఈ ఘటనపై దర్యాప్తు జరుగుతోంది. ఇరాన్‌పై జరిగిన ఆపరేషన్ ఎపిక్ ఫ్యూరీ సమయంలో అమెరికాకు మద్దతు ఇచ్చిన కువైట్ సైన్యానికి ధన్యవాదాలు” అని అమెరికా సైన్యం ఒక ప్రకటనలో పేర్కొంది.