തിരുവനന്തപുരം മെഡിക്കൽ കോളേജിൽ തീപിടിത്തം; രോ​ഗികളെ ഒഴിപ്പിക്കുന്നു

തിരുവനന്തപുരം മെഡിക്കൽ കേളേജിൽ വൻ തീപിടിത്തം. മൾട്ടി സ്പെഷ്യാലിറ്റി ബ്ലോക്കിലെ അത്യാഹിത വിഭാ​ഗത്തിലാണ് ഇന്ന് രാവിലെ തിപിടിത്തമുണ്ടായത്. സർജിക്കൽ ഐ സി യുവിന്റെ സമീപത്താണ് സംഭവം. ഇവിടെ നിന്ന് രോ​ഗികളെ മറ്റുള്ള സ്ഥലത്തേക്ക് മാറ്റുകയാണ്. ഷോർട്ട് സർക്യൂട്ട് മൂലമാണ് തീപിടിത്തമുണ്ടായതെന്നാണ് സംശയം. ഈ ബ്ലോക്കിൽ നിരവധി രോ​ഗികളുമുണ്ടായിരുന്നു. തീ നിയന്ത്രണ വിധേയമായതായി അ​ഗ്നിരക്ഷാ സേന അറിയിച്ചു. നാല് യൂണിറ്റുകൾ സംയുക്തമായി നടത്തിയ പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്. രോഗികൾഎല്ലാവരും സുരക്ഷിതരാണെന്നും പരിഭ്രമിക്കേണ്ട സാഹചര്യമില്ലെന്നും അധികൃതർ വ്യക്തമാക്കി. എന്നാൽ, തീ പടർന്നപ്പോഴുണ്ടായ കനത്ത പുക ശ്വസിച്ചത് തങ്ങളെ വല്ലാതെ ബുദ്ധിമുട്ടിച്ചതായി ചികിത്സയിലായിരുന്ന രോഗികൾ പ്രതികരിച്ചു.