ആമിർ ഹംസ മുതൽ സഹൂർ മിസ്ത്രി വരെ; 'അജ്ഞാതരുടെ' വെടിയേറ്റ് വീണ പാകിസ്ഥാനി ഭീകരരുടെ പട്ടിക
ലാഹോറിൽ ആമിർ ഹംസ വെടിയേറ്റുവീണതോടെ, കഴിഞ്ഞ ഏതാനും വർഷങ്ങളായി പാകിസ്ഥാനിലുടനീളം അജ്ഞാത തോക്കുധാരികളാൽ വധിക്കപ്പെടുന്ന ഇന്ത്യ തിരയുന്ന ഭീകരരുടെ പട്ടിക നീളുകയാണ്
ലഷ്കർ-ഇ-തൊയ്ബയുടെ സ്ഥാപകാംഗമായ ആമിർ ഹംസ ലക്ഷ്യമിടപ്പെട്ടത് കഴിഞ്ഞ രണ്ടോ മൂന്നോ വർഷങ്ങളായി പാകിസ്ഥാനിൽ തുടരുന്ന ഒരു പ്രത്യേക രീതിയിലുള്ള കൊലപാതക പരമ്പരയുടെ ഭാഗമാണ്. ഇന്ത്യ തിരയുന്ന കൊടും കുറ്റവാളികളായ ഭീകരർ പാകിസ്ഥാനിൽ വെച്ച് അജ്ഞാതരാൽ കൊല്ലപ്പെടുന്ന കാഴ്ചയാണിത്. 1980-കളിൽ ഹാഫിസ് സയീദിനൊപ്പം ലഷ്കർ കെട്ടിപ്പടുക്കുന്നതിൽ പ്രധാന പങ്കുവഹിച്ച ആമിർ ഹംസ ലാഹോറിൽ വെച്ചാണ് ആക്രമിക്കപ്പെട്ടത്. കഴിഞ്ഞ മൂന്ന്-നാല് വർഷത്തിനിടെ ലഷ്കർ, ജെയ്ഷെ മുഹമ്മദ്, ഹിസ്ബുൾ മുജാഹിദ്ദീൻ തുടങ്ങിയ സംഘടനകളിലെ പത്തിലധികം കമാൻഡർമാരാണ് പാകിസ്ഥാനിലും പാക് അധിനിവേശ കശ്മീരിലും വെച്ച് കൊല്ലപ്പെട്ടത്.