എസ്എസ്എൽസി പരീക്ഷാ ഫലം 15ന്, ഹയർസെക്കൻഡറി ഫലം 22ന്

എസ്എസ്എൽസി പരീക്ഷാ ഫലം മെയ് 15ന് പ്രഖ്യാപിക്കുമെന്ന് വിദ്യാഭ്യാാസ മന്ത്രി വി ശിവൻകുട്ടി. പരീക്ഷ ഫലപ്രഖ്യാപനം കഴിഞ്ഞാൽ ഉടൻ തന്നെ പുനർ മൂല്യനിർണയം അപേക്ഷ സ്വീകരിക്കുമന്ന് അദ്ദേഹം വ്യക്തമാക്കി. മെയ് അവസാനവാരം അതിന്റെ ഫലം പ്രഖ്യാപനവുമുണ്ടാവും.

ഹയർസെക്കൻഡറി പരീക്ഷ ഫലം മെയ് 22ന് ആയിരിക്കും പ്രഖ്യാപിക്കുക. പ്ലസ് വൺ പരീക്ഷാ ഫലം ജൂൺ 10നും പ്രഖ്യാപിക്കും. പരീക്ഷ മൂല്യനിർണയത്തിൽ രണ്ടായിരത്തിൽ അധികം അധ്യാപകർ പങ്കെടുക്കുന്നില്ല, കർശനമായ നിലപാട് ഇതിൽ സ്വീകരിക്കുമെന്നും അദ്ദേഹം പറഞ്ഞു.

പഠന പിന്തുണ ക്ലാസ് സംബന്ധിച്ച വിഷയത്തിലും അദ്ദേഹം മറുപടി നൽകി. അധ്യാപകർ എവിടെയും നിലവിൽ ക്ലാസ് തടസ്സപ്പെടുത്തിയിട്ടില്ല
എല്ലായിടത്തും കൃത്യമായി നടക്കുന്നു. ഏതെങ്കിലും സ്കൂളിൽ പഠന പിന്തുണ ക്ലാസ് മുടങ്ങുന്ന സാഹചര്യം ഉണ്ടായാൽ പരിശോധിക്കുമെന്ന് അദ്ദേഹം വ്യക്തമാക്കി.