വല നിറച്ച് റെക്കോർഡുകൾ വാരി മെസി

അർജന്റീന കുപ്പായത്തിലെ 200-ാം മത്സരത്തിന് അമേരിക്കയിലെ കാൻസാസ് സ്റ്റേഡിയത്തിൽ‍ മെസി ഇറങ്ങിയപ്പോൾ എതിരാളികളുടെ വലയിൽ നിറച്ചത് എണ്ണം പറഞ്ഞ മൂന്ന് ​ഗോളുകൾ. ഒപ്പം സ്വന്തമാക്കിയത് ലോകകപ്പിലെ ഒരു പിടി റെക്കോർഡുകളും. ലോകകപ്പിലെ തന്റെ ആദ്യ ഹാട്രിക് നേട്ടം സ്വന്തമാക്കിയ മെസി, ലോകകപ്പ് ​ഗോൾ വേട്ടയിൽ 16 ​ഗോളുകളുമായി മിറോസാവ് ക്ലോസെക്കൊപ്പമെത്തി.

ലോകകപ്പിലെ ​ഗോൾ വേട്ടക്കാരിൽ ഇനി മെസിക്ക് മറികടക്കാനുള്ളത് വനിതാ ലോകകപ്പിൽ 17 ​ഗോളുകൾ നേടിയ ബ്രസീൽ കളിക്കാരി മാർത്തയുടെ റെക്കോർഡാണ്. ലോകകപ്പ് കരിയറിലെ ആദ്യ ഹാട്രിക് റെക്കോർഡ് നേട്ടം സ്വന്തമാക്കിയ 38-കാരനായ മെസി ഹാട്രിക് നേടുന്ന ഏറ്റവും പ്രായം കൂടിയ കളിക്കാരൻ കൂടിയാണ്.

ക്രിസ്റ്റ്യാനോ റൊണാൾഡോയ്ക്ക് ശേഷം അഞ്ച് ലോകകപ്പുകളിൽ ​ഗോൾ നേട്ടം സ്വന്തമാക്കുന്ന രണ്ടാമത്തെ താരവുമായി ഇന്നത്തെ ​ഗോൾ നേട്ടത്തോടെ മെസി മാറി. ​16 ​ഗോളുകളും എട്ട് അസിസ്റ്റുകളുമായി ലോകകപ്പിൽ ​ ഏറ്റവും കൂടുതൽ ​ഗോളവസരങ്ങളും ​ഗോളും (24) ഒരുക്കിയതിൽ പെലയെ (21) മെസി മറികടന്നു

തുടർച്ചയായി അഞ്ച് ലോക കപ്പ് മത്സരങ്ങളിൽ ​ഗോൾ നേടുന്ന കളിക്കാരൻ എന്ന നേട്ടത്തിൽ ഫ്രഞ്ച് താരം ജസ്റ്റ് ഫോണ്ടെയ്നും ബ്രസീൽ താരം ജെയ്‌ർസിഞ്ഞോയിക്കുമൊപ്പം മെസി എത്തി. ഈ നേട്ടം സ്വന്തമാക്കുന്ന ആദ്യ അർജന്റീനൻ കളിക്കാരൻ കൂടിയാണ് മെസി.