Reliance AGM 2026: ജാംനഗർ റിഫൈനറി എഐ സാങ്കേതികവിദ്യയിലൂടെ പൂർണ സ്വയംഭരണത്തിലേക്ക്: അനന്ത് അംബാനി

ഹോർമുസ് കടലിടുക്കിലെ പ്രതിസന്ധികൾക്കിടയിലും ഓയിൽ-ടു-കെമിക്കൽസ് വരുമാനത്തിലും പ്രവർത്തനലാഭത്തിലും വളർച്ച കൈവരിച്ച റിലയൻസ്, പുതിയ പദ്ധതികൾ മുന്നോട്ട് കൊണ്ടുപോകുന്നതിനൊപ്പം ജാംനഗറിനെ ലോകത്തിലെ ആദ്യത്തെ സമ്പൂർണ സ്വയംഭരണ റിഫൈനറിയാക്കി മാറ്റാൻ എഐ ഉപയോഗിക്കുമെന്ന് അറിയിച്ചു

ആർട്ടിഫിഷ്യൽ ഇന്റലിജൻസും ഡിജിറ്റൽ സാങ്കേതികവിദ്യകളും പ്രയോജനപ്പെടുത്തി റിലയൻസ് ഇൻഡസ്ട്രീസ് തങ്ങളുടെ ഊർജ്ജ ബിസിനസിനെ നവീകരിക്കുകയാണെന്നും, ജാംനഗറിനെ ലോകത്തിലെ ആദ്യത്തെ എാൻഡ്-ടു-എാൻഡ് സ്വയംഭരണ റിഫൈനറിയാക്കി മാറ്റാൻ പദ്ധതിയിടുന്നതായും കമ്പനിയുടെ എക്സിക്യൂട്ടീവ് ഡയറക്ടർ അനന്ത് അംബാനി അറിയിച്ചു. ജൂൺ 19ന് നടന്ന കമ്പനിയുടെ 49-ാമത് വാർഷിക പൊതുയോഗത്തിലാണ് (AGM) അദ്ദേഹം ഇക്കാര്യം വ്യക്തമാക്കിയത്.

ആഗോള ഊർജ്ജ വിപണിയിലെ അസ്ഥിരതകൾക്കിടയിലും കാര്യക്ഷമത വർധിപ്പിക്കുന്നതിനും പ്രതിരോധശേഷി ശക്തിപ്പെടുത്തുന്നതിനും ഓയിൽ-ടു-കെമിക്കൽസ് (O2C) മേഖലയിൽ ലീഡർഷിപ്പ് നിലനിർത്തുന്നതിനുമുള്ള റിലയൻസിന്റെ വിപുലമായ തന്ത്രത്തിന്റെ ഭാഗമാണ് ഈ നീക്കം.

റിഫൈനിങ് പ്രവർത്തനങ്ങൾക്ക് കരുത്തേകി എഐ തങ്ങളുടെ പ്രവർത്തനങ്ങളിലുടനീളം റിലയൻസ് വൈവിധ്യമാർന്ന ഡിജിറ്റൽ ടൂളുകൾ വിന്യസിച്ചിട്ടുണ്ടെന്ന് അനന്ത് അംബാനി പറഞ്ഞു. ഏറ്റവും കാര്യക്ഷമമായ ക്രൂഡ് ഓയിൽ മിശ്രിതങ്ങൾ കണ്ടെത്തുന്നതിന് സഹായിക്കുന്ന എഐ അധിഷ്ഠിത പ്ലാറ്റ്‌ഫോം, വിതരണ ശൃംഖലകളും കപ്പൽ ചാർട്ടറിംഗും കാര്യക്ഷമമാക്കുന്ന ഡിജിറ്റൽ ലോജിസ്റ്റിക്സ് സംവിധാനം, ഉപഭോക്തൃ ഇടപാടുകൾ മെച്ചപ്പെടുത്തുന്ന സ്മാർട്ട് കോൺട്രാക്ട് എക്സിക്യൂഷൻ ടൂളുകൾ എന്നിവ ഇതിൽ ഉൾപ്പെടുന്നു.

"ഈ ഡിജിറ്റൽ അടിത്തറ കെട്ടിപ്പടുത്തുകൊണ്ട്, ജാംനഗറിനെ ലോകത്തിലെ ആദ്യത്തെ എൻഡ്-ടു-എൻഡ് സ്വയംഭരണ റിഫൈനറിയായി പ്രവർത്തിപ്പിക്കുന്നതിലേക്ക് ഞങ്ങൾ മുന്നേറുകയാണ്," അദ്ദേഹം പറഞ്ഞു. റിലയൻസിന്റെ ഓയിൽ-ടു-കെമിക്കൽസ് ബിസിനസ് 2025-26 സാമ്പത്തിക വർഷത്തിൽ മുൻവർഷത്തെ അപേക്ഷിച്ച് 5.7 ശതമാനം വളർച്ചയോടെ 6,62,401 കോടി രൂപ വരുമാനം റിപ്പോർട്ട് ചെയ്തു. ഇതേ കാലയളവിൽ പ്രവർത്തന ലാഭം 10.1 ശതമാനം വർദ്ധിച്ച് 60,546 കോടി രൂപയായി ഉയർന്നു. ക്രൂഡ് ഓയിൽ നീക്കത്തെയും ചരക്കുകൂലിയെയും ഇൻഷുറൻസ് ചെലവുകളെയും ബാധിച്ച 2026 മാർച്ചിലെ ഹോർമുസ് കടലിടുക്കിലെ പ്രതിസന്ധി ഉൾപ്പെടെ ആഗോള ഊർജ്ജ വിപണിയിലെ തടസ്സങ്ങൾക്കിടയിലാണ് ഈ മികച്ച പ്രകടനം കൈവരിച്ചതെന്ന് അനന്ത് അംബാനി ചൂണ്ടിക്കാട്ടി.

ഹോർമുസ് ഇടുക്കിലെ പ്രതിസന്ധികളെ മറികടക്കൽ പ്രതിസന്ധി ഘട്ടങ്ങളിലും തങ്ങളുടെ വൈവിധ്യമാർന്ന സ്രോതസ്സുകളും വേഗതയേറിയ ലോജിസ്റ്റിക് ശൃംഖലയും കാരണം റിഫൈനറി പ്രവർത്തനം പൂർണ്ണ ശേഷിയിൽ നിലനിർത്താൻ റിലയൻസിന് കഴിഞ്ഞു. ആഭ്യന്തര വിപണിയിലെ ആവശ്യകതയെ പിന്തുണയ്ക്കുന്നതിനായി ഈ കാലയളവിൽ കമ്പനി എൽപിജി വിതരണം നാലിരട്ടിയായി വർധിപ്പിച്ചു. റിലയൻസിന്റെ സംയോജിത റിഫൈനിംഗ്-കെമിക്കൽസ് കോംപ്ലക്സും അടിസ്ഥാന സൗകര്യങ്ങളും പ്രവർത്തന തടസ്സങ്ങൾ കുറയ്ക്കാൻ സഹായിച്ചതായി അനന്ത് അംബാനി കുറിച്ചു. ഊർജ്ജ-ഉൽപ്പാദന ശേഷി വിപുലീകരണം രാജ്യത്തെ ആഭ്യന്തര പ്രകൃതിവാതക ഉൽപാദനത്തിന്റെ ഏകദേശം 30 ശതമാനവും കെജി-ഡി6 (KG-D6) ബ്ലോക്കിന്റെ സംഭാവനയാണ്. പ്രതിദിനം ഏകദേശം 26 മില്യൺ മെട്രിക് സ്റ്റാൻഡേർഡ് ക്യൂബിക് മീറ്റർ വാതകമാണ് ഇവിടെ ഉത്പാദിപ്പിക്കുന്നത്.

ദഹേജിലെ 3 മില്യൺ ടൺ പിടിഎ സൗകര്യവും ഹസീറയിലെ കാർബൺ ഫൈബർ പ്ലാന്റും ഉൾപ്പെടെ ഒ2സി ബിസിനസ്സിലെ പ്രധാന പദ്ധതികൾ പുരോഗമിക്കുകയാണെന്നും അനന്ത് അംബാനി പറഞ്ഞു. ഇത് വിൻഡ് എനർജി, ഹൈഡ്രജൻ, പ്രതിരോധം, വിപുലമായ ഉൽപ്പാദനം തുടങ്ങിയ മേഖലകൾക്ക് സഹായകരമാകുമെന്നാണ് പ്രതീക്ഷിക്കുന്നത്.