చోళ చీఫ్స్‌ బోణీ
హైదరాబాద్‌, ఆట ప్రతినిధి : ఆర్చరీ ప్రీమియర్‌ లీగ్‌ (ఏపీఎల్‌) రెండో సీజన్‌ లో చోళ చీఫ్స్‌ జట్టు బోణీ కొట్టింది. పీపుల్స్‌ ప్లాజా వేదికగా శుక్రవారం జరిగిన మ్యాచ్‌లో చోళ జట్టు 6-2 తేడాతో కాకతీయ నైట్స్‌ జట్టును ఓడించింది. చోళ జట్టు విజయంలో కొలంబియా ఆర్చర్‌ అలెజాండ్రా ఉస్కియానో కీలక పాత్ర పోషించింది. ఏపీఎల్‌లో అరంగేట్రం చేసిన అలెజాండ్రా తన ఎనిమిది బాణాలకు పర్ఫెక్ట్‌ 10 పాయింట్ల టార్గెట్‌పైకి పంపి సంచలనం సృష్టించింది.
చివరి సెట్‌లో చోళ 80గానూ 79 పాయింట్లు సాధించడం విశేషం. ఇతర మ్యాచ్‌ల్లో చీరో ఆర్చర్స్‌ 6-2తో రాజ్‌పుతానా రాయల్స్‌పై, పృథ్వీరాజ్‌ యోథాస్‌ 6-2తో మైటీ మరాఠాస్‌ను ఓడించాయి. శనివారం జరిగే మ్యాచ్‌ల్లో మరాఠాస్‌తో చోళ, యోధాస్‌తో చీరో ఆర్చర్స్‌, రాయల్స్‌తో కాకతీయ పోటీపడతాయి.
