యునిసెఫ్‌ సెలబ్రిటీ సలహాదారుగా స్మృతి మంధాన!
ఇంటర్నెట్‌ డెస్క్‌: భారత మహిళా క్రికెట్ జట్టు కెప్టెన్‌గా ఇటీవల బాధ్యతలు స్వీకరించిన స్మృతి మంధాన (Smriti Mandhana)కు మరో అరుదైన గౌరవం దక్కింది. ఆమె యునిసెఫ్‌ (UNICEF) ఇండియా సెలబ్రిటీ సలహాదారుగా నియమితులయ్యారు. బాలికలకు సమాన అవకాశాలు, వారి ఆరోగ్యం, సంక్షేమం, క్రీడల్లో అవకాశాలు వంటి విషయంలో యునిసెఫ్‌తో కలిసి స్మృతి పనిచేయనుంది. అంతర్జాతీయ బాలికల దినోత్సవం (International Day of the Girl) సందర్భంగా ఈ ప్రకటన వెలువడింది.
‘యూనిసెఫ్ ఇండియాలో సెలబ్రిటీ అడ్వకేట్‌గా చేరడం చాలా గర్వంగా ఉంది. క్రికెట్ ఆడుతూ పెరగడం వల్ల ప్రతి కల ఒక అవకాశంతోనే మొదలవుతుందని నేను నేర్చుకున్నాను. కఠోర శ్రమ, పట్టుదల, ప్రోత్సాహంతో, ఆ అవకాశం ఒక అసాధారణమైన విషయంగా మారగలదు. పెద్ద కలలు కనేందుకు, వారి పూర్తి సామర్థ్యాన్ని అందుకొనేలా ప్రతి ఒక్కరికి అవకాశం దక్కాలి’ అని స్మృతి మంధాన పేర్కొన్నారు.
