திருவனந்தபுரம் பத்மநாபசுவாமி கோயில் ஐப்பசி திருவிழா ஆறாட்டு ஊர்வலம்
திருவனந்தபுரம்: திருவனந்தபுரம் பத்மநாபசுவாமி கோயில் ஐப்பசி திருவிழா கடந்த 11ம் தேதி தொடங்கியது. திருவிழா இறுதி நாளான நேற்று மாலை சங்குமுகம் கடற்கரையில் சுவாமிக்கு ஆறாட்டு நடைபெற்றது. நேற்று மாலை 5 மணிக்கு யானை மீது சுவாமி விக்ரகம் வைக்கப்பட்டு கோயிலில் இருந்து ஆறாட்டு ஊர்வலம் புறப்பட்டது. இந்த ஊர்வலம் திருவனந்தபுரம் விமானநிலைய ஓடுபாதை வழியாக சங்குமுகம் கடற்கரையை அடைந்தது. கடலில் ஆறாட்டை முடித்த பிறகு ஊர்வலம் அதே பாதை வழியாக திரும்பி கோயிலை வந்தடைந்தது.இதனால், நேற்று மாலை 4 மணி முதல் இரவு 9 மணி வரை விமானநிலையம் மூடப்பட்டது.
