திருமலையில் பவுர்ணமியையொட்டி தங்க கருட வாகனத்தில் மலையப்ப சுவாமி வீதிஉலா
திருமலை: திருப்பதி ஏழுமலையான் கோயிலில் பவுர்ணமியையொட்டி தங்க கருடவாகனத்தில் மலையப்ப சுவாமி நேற்றிரவு வீதிஉலா வந்தார். 108 திவ்யதேச கோயில்களில் பவுர்ணமியன்று கருடசேவை நடப்பது சிறப்பு வாய்ந்தது. அதன்படி திருப்பதி ஏழுமலையான் கோயிலில் மாதந்தோறும் பவுர்ணமியையொட்டி கருடசேவை நடந்து வருகிறது.
இதேபோல் ஐப்பசி மாத பவுர்ணமியையொட்டி நேற்றிரவு தங்க கருட வாகனத்தில் மலையப்பசுவாமி கோயில் வாகன மண்டபத்தில் எழுந்தருளினார். பின்னர் சிறப்பு அலங்காரம் செய்யப்பட்டு நான்கு மாடவீதிகளில் சுவாமி வலம் வந்து அருள்பாலித்தார். அப்போது மாடவீதிகளில் இருபுறமும் திரண்டிருந்த ஏராளமான பக்தர்கள் கோவிந்தா கோவிந்தா என பக்தி முழக்கமிட்டு கற்பூர ஆரத்தி காட்டி வழிபட்டனர்.
