ഈദുൽ ഫിത്തറിനെ വരവേൽക്കാൻ ഒരുങ്ങി യുഎഇ; അവധി എത്ര ദിവസം കിട്ടും? സാധ്യതകൾ ഇങ്ങനെ

ദുബായ്: യുഎഇയിൽ വിശുദ്ധ റമദാൻ ആരംഭിച്ചതിന്റെ ഭാഗമായി പലവിധ മാറ്റങ്ങളാണ് നിലവിൽ വന്നിരിക്കുന്നത്. ഇതോടെ ജോലി സമയങ്ങളിലും ദൈനംദിന ജീവിതത്തിലും സാരമായ മാറ്റങ്ങളുണ്ടായി. 29-30 ദിവസങ്ങൾ ശേഷിക്കെ, ഈ വർഷത്തെ ആദ്യത്തെ നീണ്ട അവധിദിനമായ ഈദ് അൽ ഫിത്തറിനായുള്ള കാത്തിരിപ്പിലാണ് രാജ്യത്തെ മുഴുവൻ ജനങ്ങളും.

യുഎഇയുടെ ഔദ്യോഗിക അവധി കലണ്ടർ പ്രകാരം, ശവ്വാൽ 1 മുതൽ 3 വരെയാണ് ഈദുൽ ഫിത്തർ അവധി. ഈ മൂന്ന് ദിവസങ്ങൾ പൊതു അവധിയായിരിക്കും, മാറ്റിവെക്കാൻ സാധിക്കാത്തതാണ്. ദുബായിലെ ഇസ്‌ലാമിക് അഫയേഴ്‌സ് ആൻഡ് ചാരിറ്റബിൾ ആക്റ്റിവിറ്റീസ് ഡിപ്പാർട്ട്‌മെന്റിന്റെ 2026-ലെ പ്രതീക്ഷിക്കുന്ന അവധി പട്ടിക പ്രകാരം, ഈദ് അൽ ഫിത്തർ മാർച്ച് 20ന് ആരംഭിച്ച് മാർച്ച് 22 വരെ നീണ്ടുനിൽക്കാൻ സാധ്യതയുണ്ട്.