அரசு பல் மருத்துவர்களுக்கு பணிச்சுமை அதிகரிப்பு: நோயாளிகள் அவதியடைவதாக குற்றச்சாட்டு

சென்னை: தமிழகத்​தில் சென்​னை, புதுக்​கோட்​டை, சிதம்​பரத்​தில் தலா ஓர் அரசு பல் மருத்​து​வக் கல்​லூரி மருத்​து​வ​மனை செயல்​பட்டு வரு​கின்​றன. இவை தவிர அரசு மருத்​து​வக் கல்​லூரி மருத்​து​வ​மனை, மாவட்ட, தாலு​கா, மருத்​து​வ​மனை​கள், ஆரம்ப சுகா​தார நிலை​யங்​களில் பல் மருத்​து​வப் பிரிவு​கள் உள்​ளன. மொத்​தம் 565 அரசு பல் மருத்​து​வர்​கள் பணி​யாற்றி வரு​கின்​றனர். 

மேலும் 400-க்​கும் மேற்​பட்ட பல் மருத்​து​வர்​கள் ஒப்​பந்த அடிப்​படை​யில் பணி​யாற்றி வரு​கின்​றனர். சிறப்பு தேர்வு மூலம் பணிநிரந்​தரம் செய்​யப்​ப​டாத​தால், அவர்​கள் 15 ஆண்​டு​களுக்கு மேலாக குறைந்த ஊதி​யத்​தில் பணி​யாற்றி வரு​கின்​றனர்.

அரசு பல் மருத்​து​வர்​கள் பணி ஓய்வு பெற்ற பிறகு, அவர்​களுக்கு பணி நீட்​டிப்பு செய்​வதை ரத்து செய்ய வேண்​டும். பல் மருத்​து​வர்​களுக்கு பதவி உயர்வு கலந்​தாய்வு நடத்த வேண்​டும். மருத்​து​வப் பணி​யாளர் தேர்வு வாரி​யம் மூலம் புதிய பணி​யிடங்​களில் பல் மருத்​து​வர்​களை நியமிக்க வேண்​டும். கீழ்ப்​பாக்​கம் அரசு மருத்​து​வ​மனை உட்பட குறைக்​கப்​பட்ட பல் மருத்​து​வர் பணி​யிடங்​களை மீண்​டும் உரு​வாக்க வேண்​டும்.

 அரசு மருத்​து​வர்​களுக்கு அரசாணை 293-ன் மூலம் தரப்​பட்ட ஊதி​யப்​படிகளை அனைத்து பல் மருத்​து​வர்​களுக்​கும் வழங்க வேண்​டும். அனைத்து அரசு மருத்​து​வ​மனை மற்​றும் ஆரம்ப சுகா​தார நிலை​யங்​களில் பல் மருத்​து​வர்​கள் பணி​யிடங்​களை உரு​வாக்க வேண்​டும். இவ்​வாறு அவர் தெரி​வித்​துள்​ளார்.