KSRTC: ಯುಗಾದಿ-ರಂಜಾನ್​ ಹಬ್ಬಕ್ಕೆಂದು ಊರಿಗೆ ಹೋಗುವ KSRTC ಪ್ರಯಾಣಿಕರಿಗೆ ಬಂಪರ್ ಆಫರ್​! ಟಿಕೆಟ್​​ನಲ್ಲೂ ರಿಯಾಯಿತಿ

ಬೆಂಗಳೂರು (ಮಾ.15):  ಯುಗಾದಿ (Ugadi) ಹಾಗೂ ರಂಜಾನ್‌ ಹಬ್ಬ ಸಮೀಪಿಸುತ್ತಿದ್ದು, ಹಬ್ಬಕ್ಕೆಂದು ಊರಿಗೆ ಹೋಗಲು ಅನೇಕರು ಸಿದ್ದರಾಗಿದ್ದಾರೆ. ಹಬ್ಬಕ್ಕೆಂದು ಊರುಗಳಿಗೆ ಹೋಗುವವರಿಗೆ ಕೆಎಸ್​ಆರ್​ಟಿಸಿ (KSRTC) 2000 ವಿಶೇಷ ಬಸ್​​ಗಳ ಜೊತೆಗೆ ಬಿಗ್ ಆಫರ್ ನೀಡಿದೆ. ಮಾರ್ಚ್‌ 18 ರಿಂದ 20 ರರೆಗೆ ಬೆಂಗಳೂರಿನಿಂದ (Bengaluru) ವಿವಿಧ ಜಿಲ್ಲೆಗೆ ಹಾಗೂ ಮಾ.22 ರಂದು ಹಲವು ಪ್ರದೇಶಗಳಿಂದ ಬೆಂಗಳೂರಿಗೆ ಬಸ್ ವ್ಯವಸ್ಥೆ (Bus Arrangements )  ಮಾಡಲಾಗಿದೆ. 2000 ವಿಶೇಷ ಬಸ್‌ ವ್ಯವಸ್ಥೆ ಯುಗಾದಿ ಹಬ್ಬ ಹಾಗೂ ರಂಜಾನ್​ ಜೊತೆಗೆ ಲಾಂಗ್ ವೀಕೆಂಡ್​ ಇರುವ ಹಿನ್ನೆಲೆ ಪ್ರವಾಸಕ್ಕೆ ಹೋಗುವವರ ಸಂಖ್ಯೆ ಕೂಡ ಹೆಚ್ಚಿರುತ್ತದೆ. ಹೀಗಾಗಿ KSRTC ವತಿಯಿಂದ 2000 ವಿಶೇಷ ಬಸ್‌ ಗಳನ್ನು ರಸ್ತೆಗಿಳಿಸಲು ನಿರ್ಧರಿಸಲಾಗಿದೆ. ಬೆಂಗಳೂರಿನಿಂದ ವಿವಿಧ ಪ್ರದೇಶಗಳಿಗೆ ಬಸ್​ ವ್ಯವಸ್ಥೆ ಹಬ್ಬ ಅಂದ್ರೆ ಬೆಂಗಳೂರೇ ಖಾಲಿಯಾಗುತ್ತೆ. ಬೆಂಗಳೂರಿಂದ ಮಾರ್ಚ್‌ 18 ರಿಂದ 20 ರ ವರೆಗೆ ವಿವಿಧ ಪ್ರದೇಶಗಳಿಗೆ ಹಾಗೂ ಮಾರ್ಚ್​​ 22 ರಂದು ಹಲವು ಊರುಗಳಿಂದ ಬೆಂಗಳೂರಿಗೆ ಬಸ್ ವ್ಯವಸ್ಥೆ ಮಾಡಲಾಗಿದೆ ಎಂದು ಸಾರಿಗೆ ಇಲಾಖೆ ಮೂಲಗಳು ತಿಳಿಸಿವೆ.