Fact Check: ಏಪ್ರಿಲ್​ 15 ರಿಂದ ಭಾಗಶಃ ಲಾಕ್‌ಡೌನ್? ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡ್ತಿದೆ ಸರ್ಕಾರದ ಪ್ರಕಟಣೆ ಪೋಸ್ಟ್​

ಅಮೆರಿಕ-ಇರಾನ್ ಯುದ್ಧದ ಬಿಕ್ಕಟ್ಟು ಹೆಚ್ಚಿದ್ದು, ವಿಶ್ವದ ಅನೇಕ ರಾಷ್ಟ್ರಗಳು ಸಂಕಷ್ಟಕ್ಕೆ ಸಿಲುಕಿದೆ. ಭಾರತಕ್ಕೂ (India) ಯುದ್ಧದ ಬಿಸಿ ತಟ್ಟಿದ್ದು, ಅನಿಲ ಅಭಾವ ಉಂಟಾಗಿದೆ. ತೈಲ ಸಮಸ್ಯೆ ಹೆಚ್ಚುತ್ತಿದ್ದು, ಬೆಲೆಗಳು ಗಗನಕ್ಕೇರುತ್ತಿದೆ. ಆದ್ರೂ ಅಮೆರಿಕ ಅಧ್ಯಕ್ಷ ಟ್ರಂಪ್ (Trump)​ ಕದನ ವಿರಾಮ ಘೋಷಣೆ ಮಾಡೋ ಲಕ್ಷಣವೇ ಕಾಣ್ತಿಲ್ಲ. ಇದರ ನಡುವೆ ಮತ್ತೆ ಲಾಕ್​ ಡೌನ್ (Lockdown) ಪರಿಸ್ಥಿತಿ ಬಗ್ಗೆ ಕೇಂದ್ರ ನಾಯಕರು ಎಚ್ಚರಿಸುತ್ತಿದ್ದಂತೆ ಸೋಶಿಯಲ್ ಮೀಡಿಯಾದಲ್ಲಿ (Social Media) ಈ ಪದ ಟ್ರೆಂಡಿಂಗ್ ಆಗಿದೆ. ಏಪ್ರಿಲ್ 15ರಿಂದ ಭಾರತದಲ್ಲಿ ಭಾಗಶಃ ಲಾಕ್‌ಡೌನ್ ಪೋಸ್ಟ್ ಒಂದು ಫುಲ್ ವೈರಲ್​ ಆಗಿದೆ. ಇದರ ಹಿಂದಿನ ಅಸಲಿ ಸತ್ಯ ಏನು?
ಏಪ್ರಿಲ್ 15 ರಿಂದ ದೇಶದಲ್ಲಿ ಭಾಗಶಃ ಲಾಕ್‌ಡೌನ್ ಜಾರಿಗೆ ಬರುತ್ತದೆಯೇ ಎಂಬ ಪೋಸ್ಟ್ ಬಗ್ಗೆ ಇದೀಗ ಭಾರೀ ಚರ್ಚೆಯಾಗ್ತಿದೆ. ವೈರಲ್​ ಪೋಸ್ಟ್​​ನಲ್ಲಿ ಕೆಲ ಅಂಶಗಳನ್ನ ಉಲ್ಲೇಖಿಸಲಾಗಿದ್ದು, ''ಏಪ್ರಿಲ್ 15 ರಿಂದ ಜಾರಿಗೆ ಬರಲಿರುವ ಭಾಗಶಃ ಲಾಕ್‌ ಡೌನ್ ಕುರಿತು ದೆಹಲಿ ಸರ್ಕಾರದ ಪತ್ರಿಕಾ ಪ್ರಕಟಣೆ'' ಎಂಬ ಹೆಡ್​ ಲೈನ್ ಇದೆ. ಜೊತೆಗೆ ರಾಷ್ಟ್ರೀಯ ಲಾಂಛನವಿದ್ದು, ಇದು ನಿಜವಾದ ಸರ್ಕಾರಿ ದಾಖಲೆಯಂತೆ ಕಾಣುತ್ತಿದೆ. ಇದರಲ್ಲಿ ದೆಹಲಿ ಸರ್ಕಾರದ ಹೆಸರೂ ಇರೋದ್ರಿಂದ ಅನೇಕರು ಈ ಪೋಸ್ಟ್ ಕಂಡು ಶಾಕ್ ಆಗಿದ್ದಾರೆ.