'നവകേരളത്തിന് പണം എവിടെ നിന്ന്? പോംവഴി ഇടതുപക്ഷത്തിന്റെ കൈയിൽ മാത്രം'; തോമസ് ഐസക്
നിയമസഭാ തിരഞ്ഞെടുപ്പിന് മുന്നോടിയായി മൂന്ന് മുന്നണികളും വോട്ടർമാർക്ക് മുന്നിൽ വാഗ്ദാനങ്ങളുടെ കെട്ടഴിച്ചിരിക്കുകയാണ്. വികസനവും അഴിമതി രഹിത ഭരണവും ഒക്കെയാണ് മുന്നോട്ട് വയ്ക്കുന്ന ആശയങ്ങൾ. ഇപ്പോഴിതാ പുതിയ കേരളം എന്ന സ്വപ്നം സാക്ഷാത്കരിക്കാൻ ഉള്ള സാമ്പത്തിക നയങ്ങൾ കൈയിലുള്ളത് എൽഡിഎഫിന്റെ പക്കൽ മാത്രമാണെന്നും മറ്റ് മുന്നണികൾക്ക് അത്തരം നയങ്ങൾ ഇല്ലെന്നും പറയുകയാണ് മുൻ മന്ത്രിയും സിപിഎം നേതാവുമായ ഡോ. തോമസ് ഐസക്.
ഫേസ്ബുക്ക് പോസ്റ്റിലൂടെ ആയിരുന്നു അദ്ദേഹത്തിന്റെ പ്രതികരണം. വകേരളത്തിന് പണം എവിടെ നിന്ന്? പോംവഴി ഇടതുപക്ഷത്തിന്റെ കൈയിൽ മാത്രമാണെന്ന് കുറിച്ചുകൊണ്ടുള്ള പോസ്റ്റർ പങ്കുവച്ചാണ് അദ്ദേഹം തന്റെ അഭിപ്രായം വ്യക്തമാക്കിയത്. ബിജെപിയുടെ പ്രകടന പത്രികയുടെ ധനകാര്യ തന്ത്രം ശുദ്ധ അസംബന്ധമാണെന്നും യുഡിഎഫിന് കിഫ്ബിയെ കുറിച്ച് ഒരു മിണ്ടാട്ടവും ഇല്ലെന്നാണ് തോമസ് ഐസക് പറഞ്ഞത്.