ഇസ്രായേലിൽ വോട്ടെണ്ണൽ പൂർത്തിയായി; നെതന്യാഹുവിന് കേവല ഭൂരിപക്ഷമില്ല, വീണ്ടും തിരഞ്ഞെടുപ്പ് വരുമോ
ടെൽ അവീവ്: ഇസ്രായേലിൽ പാർലമെന്റ് തിരഞ്ഞെടുപ്പിലെ വോട്ടെണ്ണൽ മുഴുവൻ പൂർത്തിയാക്കിപ്പോഴും ആർക്കും കേവല ഭൂരിപക്ഷമില്ല. നിലവിലെ പ്രധാനമന്ത്രി ബെഞ്ചമിൻ നെതന്യാഹുവിനും കേവല ഭൂരിപക്ഷം നേടാനായിട്ടില്ല. എല്ലാ വോട്ടുകളും എണ്ണിയതോടെ നെതന്യാഹുവിന്റെ സഖ്യം 53 സീറ്റുകൾ നേടിയപ്പോൾ പ്രതിപക്ഷത്തിന് 48ഉം അറബ് പാർട്ടികൾക്ക് 19ഉം സീറ്റുകൾ ലഭിച്ചതായി ഇസ്രായേൽ മാധ്യമങ്ങൾ പറയുന്നു.
പാർലമെന്ററി ഭൂരിപക്ഷത്തിന് ആവശ്യമായ 61 സീറ്റുകൾ ആർക്കും നേടാനായിട്ടില്ല എന്നതാണ് ഇതിലൂടെ വ്യക്തമാക്കുന്നത്. 27 സീറ്റുകൾ നേടി നെതന്യാഹുവിന്റെ ലിക്കുഡ് ഏറ്റവും വലിയ പാർട്ടിയായി ഉയർന്നുവന്നെങ്കിലും അടുത്ത സർക്കാർ രൂപീകരിക്കാൻ അദ്ദേഹത്തിന് കഴിയുമെന്ന കാര്യത്തിൽ ഉറപ്പില്ല. ഇനി എണ്ണാൻ വോട്ടുകൾ ഒന്നും അവശേഷിക്കുന്നില്ല.
ഇസ്രായേലിന്റെ കേന്ദ്ര തിരഞ്ഞെടുപ്പ് കമ്മിറ്റി ഡബിൾ എൻവലപ്പ് വോട്ടുകൾ എന്നറിയപ്പെടുന്ന പ്രത്യേക ബാലറ്റുകൾ എണ്ണിയതോടെയാണ് അന്തിമ വോട്ടെണ്ണൽ പൂർത്തിയായത്. സൈനികർ, തടവുകാർ, വിദേശത്ത് നിലയുറപ്പിച്ച നയതന്ത്രജ്ഞർ, അവരുടെ പതിവ് പോളിംഗ് സ്‌റ്റേഷനുകളിൽ വോട്ടുചെയ്യാൻ കഴിയാത്ത ആശുപത്രിയിൽ പ്രവേശിപ്പിച്ച വോട്ടർമാർ എന്നിവരുടെ വോട്ടുകൾ ഈ ബാലറ്റുകളിൽ ഉൾപ്പെടുന്നു.
മറ്റ് പാർട്ടികളിൽ ഗാദി ഐസൻകോട്ടിന്റെ യാഷർ 21 സീറ്റുകളും ബി യാച്ചാദ് 12 സീറ്റുകളും ജോയിന്റ് ലിസ്‌റ്റ് 11 സീറ്റുകളും നേടി. ഡെമോക്രാറ്റുകളും റാമും എട്ട് സീറ്റുകൾ വീതം നേടി. യുണൈറ്റഡ് തോറ, ഇസ്രായേൽ ബെയ്റ്റിനു, ഒറ്റ്സ്മ യെഹുദിറ്റ് എന്നിവർ ഏഴ് സീറ്റുകൾ വീതം നേടിയപ്പോൾ ഷാസ്, റിലീജിയസ് സിയോണിസം എന്നിവ ആറ് സീറ്റുകൾ വീതം നേടി.
അതേസമയം, വിദേശ ഇടപെടൽ ആരോപണത്തെക്കുറിച്ചും ഇസ്രായേലിലെ അറബ് പൗരന്മാർക്കിടയിൽ നടന്ന ഉയർന്ന പോളിംഗിനെക്കുറിച്ചും വോട്ടെടുപ്പ് രാഷ്ട്രീയ വിവാദത്തിന് കാരണമായി. നെതന്യാഹുവിന്റെ ലിക്കുഡ് പാർട്ടിയാവട്ടെ ആദ്യഘട്ട ഫലം വന്നപ്പോൾ തന്നെ അറബ് നേതൃത്വത്തിലുള്ള പാർട്ടികൾക്ക് വോട്ട് വാങ്ങുന്നതിലൂടെയും അനധികൃത വോട്ടർമാരെ അണിനിരത്തുന്നതിലൂടെയും പ്രയോജനം ലഭിച്ചുവെന്ന് അവകാശപ്പെട്ടിരുന്നു.
ഖത്തറുമായും തുർക്കിയുമായും ബന്ധമുള്ള വിദേശ ധനസഹായം അറബ് വോട്ടർമാരെ നിയമവിരുദ്ധമായി സ്വാധീനിക്കാൻ ഉപയോഗിച്ചുവെന്ന സംശയം ഇസ്രായേലിന്റെ ആഭ്യന്തര സുരക്ഷാ ഏജൻസിയായ ഷിൻ ബെറ്റ് അന്വേഷിക്കുകയാണ് നിലവിൽ. കൂടാതെ ഇസ്രായേൽ പോലീസിന്റെ ലഹാവ് 433 യൂണിറ്റ് തിരഞ്ഞെടുപ്പിലെ കൈക്കൂലി എന്ന് സംശയിക്കുന്ന കാര്യങ്ങളും അന്വേഷിക്കുന്നു.
നിലവിൽ ആരോപണങ്ങൾ തെളിയിക്കപ്പെടാതെ കിടക്കുകയാണ്. അനുചിതമായ വിദേശ സ്വാധീനത്തെക്കുറിച്ചുള്ള സംശയങ്ങൾ അന്വേഷിക്കാൻ കേന്ദ്ര തിരഞ്ഞെടുപ്പ് കമ്മിറ്റി ചെയർമാൻ നോം സോൾബെർഗ് ഷിൻ ബെറ്റിനോട് ആവശ്യപ്പെട്ടിട്ടുണ്ട്. പിന്നാലെ തിരഞ്ഞെടുപ്പിൽ ഇടപെട്ടുവെന്ന ആരോപണം ഖത്തർ നിഷേധിച്ചു.
19 സീറ്റുകൾ നേടുകയും സർക്കാർ രൂപീകരിക്കാനുള്ള ശ്രമങ്ങളെ സ്വാധീനിക്കുകയും ചെയ്യുന്ന അറബ് പാർട്ടികളുടെ പങ്കിനെക്കുറിച്ചുള്ള ചർച്ചകൾ ഈ തർക്കത്തിന് മൂർച്ചകൂട്ടി. എന്നാൽ തിരഞ്ഞെടുപ്പ് ഫലത്തെയോ അറബ് വോട്ടർമാരുടെ പങ്കാളിത്തത്തെയോ ദുർബലപ്പെടുത്താൻ സ്ഥിരീകരിക്കാത്ത ആരോപണങ്ങൾ ഉപയോഗിക്കുന്നതിനെതിരെ പ്രതിപക്ഷ നേതാക്കൾ മുന്നറിയിപ്പ് നൽകിയിട്ടുണ്ട്.
നിലവിൽ നെതന്യാഹുവിന് മാത്രമല്ല പ്രതിപക്ഷത്തിനും ഫലം ആശാവഹമല്ല. കാരണം ഭൂരിപക്ഷത്തിന് ആവശ്യമായ 61 സീറ്റുകളിൽ പ്രതിപക്ഷ ഗ്രൂപ്പിനും കാര്യമായ കുറവുണ്ട്. അതായത് ഏത് ബദൽ സർക്കാരിനും അറബ് പാർട്ടികളുടെ പിന്തുണയെയോ സഹകരണത്തെയോ ആശ്രയിക്കാമെന്ന സാഹചര്യമാണ് നിലവിൽ
