TVK Vijay Rally Stampede: ವಿಜಯ್​ v/s ಸರ್ಕಾರ; ತಮಿಳುನಾಡಲ್ಲಿ ಕಾಲ್ತುಳಿತ ಬ್ಲೇಮ್​ ಗೇಮ್! ಬಂಧಿಯಾಗ್ತಾರಾ 'ದಳಪತಿ'?

ಸೆಪ್ಟೆಂಟರ್​ 27 ಶನಿವಾರದಂದು ತಮಿಳುನಾಡು (Tamilnadu) ರಾಜಕೀಯದಲ್ಲೇ ಕಂಡು ಕೇಳಿರದ ದುರ್ಘಟನೆಯೊಂದು ಸಂಭವಿಸಿ ಹೋಗಿದೆ. ಇದಕ್ಕೆಲ್ಲಾ ಟಿವಿಕೆ ಪಕ್ಷದ ಅಧ್ಯಕ್ಷ ಹಾಗೂ ನಟ ವಿಜಯ್ ಪರೋಕ್ಷ ಕಾರಣ ಎಂದು ವಿಪಕ್ಷಗಳ ನಾಯಕರು (Opposition Leaders) ಆರೋಪ ಮಾಡ್ತಿದ್ದಾರೆ. ತಮಿಳುನಾಡು ಪಾಲಿಟಿಕ್ಸ್​ನಲ್ಲಿ ವಿಜಯಪತಾಕೆ ಹಾರಿಸೋ ಕನಸು ಕಾಣ್ತಿದ್ದ ನಟ ವಿಜಯ್​​ ಅವರನ್ನ ಈ ಘಟನೆ ವಿಚಲಿತಗೊಳಿಸಿದೆ. ಅಮಾಯಕ ಜೀವಗಳ ಬಲಿಯಲ್ಲೂ ಪಾಲಿಟಿಕ್ಸ್ ಶುರುವಾಗಿದೆ.

ಕಾಲ್ತುಳಿತದ ಬ್ಲೇಮ್ ಗೇಮ್​ ಶುರು ನಟ-ರಾಜಕಾರಣಿ ವಿಜಯ್ ನಡೆಸಿದ ರ್ಯಾಲಿಯಲ್ಲಿ 41 ಜನರು ಸಾವನ್ನಪ್ಪಿದ್ದು ನೂರಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಅಮಾಯಕರು ಬಲಿಯಾದ ಒಂದು ದಿನದ ಬಳಿಕ ಕರೂರ್ ಕಾಲ್ತುಳಿತದ ಬ್ಲೇಮ್ ಗೇಮ್​ ಶುರುವಾಗಿದೆ. ತಮಿಳುನಾಡು ಸರ್ಕಾರ ಸಭೆ ಮೇಲೆ ಸಭೆ ನಡೆಸ್ತಿದೆ ಎಂದು ತಿಳಿದು ಬಂದಿದೆ..