Ranchi: ಅತಿ ವೇಗ, ಸಂಚಾರ ನಿಯಮ ಉಲ್ಲಂಘನೆಗಾಗಿ ಎಂಎಸ್ ಧೋನಿಗೆ ದಂಡ
ರಾಂಚಿ: ಟೀಂ ಇಂಡಿಯಾ ಮಾಜಿ ಆಟಗಾರ, ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ತಾರೆ ಮಹೇಂದ್ರ ಸಿಂಗ್ ಧೋನಿ ಅವರಿಗೆ ಪೊಲೀಸರು ದಂಡ ವಿಧಿಸಿದ್ದಾರೆ. ತನ್ನ ತವರೂರು ಝಾರ್ಖಂಡ್ನ ರಾಂಚಿಯಲ್ಲಿ ಅತೀ ವೇಗದಲ್ಲಿ ಕಾರು ಚಲಾಯಿಸಿದ್ದಕ್ಕಾಗಿ ಎಂ.ಎಸ್.ಧೋನಿಗೆ 1000 ರೂ. ದಂಡ ಬಿದ್ದಿದೆ. ಸಾಮಾಜಿಕ ತಾಲತಾಣದಲ್ಲಿ ಇದರ ಚಿತ್ರಗಳು, ವಿಡಿಯೋಗಳು ವೈರಲ್ ಆಗಿವೆ. ಜಾಲತಾಣದಲ್ಲಿ ಓಡಾಡುತ್ತಿರುವ ವೈರಲ್ ವಿಡಿಯೋವಿನ ಪ್ರಕಾರ, ಸ್ಥಳೀಯ ಹೋಟೆಲ್ನಲ್ಲಿ ಚಿಕನ್ ಖಾದ್ಯದ ಪಾರ್ಸೆಲ್ ತೆಗೆದುಕೊಳ್ಳುವುದಕ್ಕಾಗಿ ಎಂ.ಎಸ್.ಧೋನಿ ವೇಗವಾಗಿ ಕಾರ್ ಚಲಾಯಿಸಿಕೊಂಡು ಬಂದರೆನ್ನಲಾಗಿದೆ. ಧೋನಿ ಚಿಕನ್ ಪಾರ್ಸೆಲ್ ತೆಗೆದುಕೊಂಡು ತೆರಳುತ್ತಿರುವ ಚಿತ್ರಣ ವಿಡಿಯೋದಲ್ಲಿದೆ. ಜೊತೆಗೆ ಧೋನಿಗೆ ದಂಡ ವಿಧಿಸಲಾಗಿರುವ ಚಲನ್ನ ಚಿತ್ರ ಕೂಡ ಓಡಾಡುತ್ತಿದೆ. ಈ ಐಪಿಎಲ್ನಲ್ಲಿ ಧೋನಿ ಚೆನ್ನೈ ಪರ ಆಡಲು ಸಜ್ಜಾಗಿದ್ದಾರೆ