India Iran Relation: ಅಮೆರಿಕದೊಂದಿಗಿನ ಯುದ್ಧದ ಮಧ್ಯೆಯೂ ಭಾರತಕ್ಕೆ ಧನ್ಯವಾದ ಹೇಳಿದ ಇರಾನ್​! ಅಷ್ಟಕ್ಕೂ ಆಗಿದ್ದೇನು?

ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಸಂಘರ್ಷ ಮತ್ತು ಉದ್ವಿಗ್ನತೆಯ ನಡುವೆಯೂ ಭಾರತ ಮತ್ತು ಇರಾನ್ (India Iran Relation) ನಡುವಿನ ಸಂಬಂಧಗಳು ಬಲಗೊಳ್ಳುತ್ತಿವೆ. ಇತ್ತೀಚೆಗೆ ಇರಾನ್ (Iran) ಭಾರತಕ್ಕೆ ಧನ್ಯವಾದ ಹೇಳಿದ್ದು, ಇದರ ಹಿನ್ನೆಲೆಯಲ್ಲಿ ಮಾನವೀಯ ಸಹಾಯ ಮತ್ತು ರಾಜತಾಂತ್ರಿಕ ಸಂಭಾಷಣೆಗಳು ಮುಖ್ಯ ಪಾತ್ರ ವಹಿಸಿವೆ. ಅಮೆರಿಕಾ ಮತ್ತು ಇರಾನ್ ನಡುವಿನ ಹಿಂದಿನ ಕಳವಳಗಳು ಉಲ್ಬಣಗೊಂಡ ಸಂದರ್ಭದಲ್ಲಿ ಭಾರತದ ಕ್ರಮ ಇರಾನ್‌ಗೆ ಸಹಾಯಕವಾಗಿದೆ.
ಯುದ್ಧದ ಮಧ್ಯದಲ್ಲೂ ಇರಾನ್​ ಭಾರತಕ್ಕೆ ಧನ್ಯವಾದ ಸಲ್ಲಿಸಿದ್ದು, ಈ ಘಟನೆಯನ್ನು ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಅವರು ರಾಜ್ಯಸಭೆಯಲ್ಲಿ ವಿವರಿಸಿದ್ದಾರೆ. ಇದು ಎರಡೂ ದೇಶಗಳ ಮಧ್ಯದ ಸಂಬಂಧವನ್ನು ಬಲಪಡಿಸುತ್ತದೆ. ಯುದ್ಧದ ನಡುವೆಯೂ ಭಾರತಕ್ಕೆ ಧನ್ಯವಾದ ಹೇಳಿದ ಇರಾನ್​! ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಸಂಘರ್ಷಗಳು ಜಾಗತಿಕವಾಗಿ ಗಮನ ಸೆಳೆಯುತ್ತಿವೆ. ಇಸ್ರೇಲ್-ಇರಾನ್-ಅಮೆರಿಕಾ ಭಿನ್ನಾಭಿಪ್ರಾಯಗಳು ಮತ್ತು ಇತರ ಅಸ್ಥಿರತೆಗಳು ಪ್ರದೇಶದಲ್ಲಿ ಉದ್ವಿಗ್ನತೆಯನ್ನು ಹೆಚ್ಚಿಸಿವೆ. 

ಈ ನಡುವೆ ಇರಾನ್‌ನ ಯುದ್ಧನೌಕೆಯೊಂದು ಸಮಸ್ಯೆಗೆ ಸಿಲುಕಿತು. ಇರಾನ್‌ನ ಐಆರ್ಐಎಸ್ ದೇನಾ (IRIS Dena) ಎಂಬ ಯುದ್ಧನೌಕೆ ಭಾರತದ ಮಿಲನ್ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಭಾರತಕ್ಕೆ ಬಂದಿತ್ತು. ಈ ಕಾರ್ಯಕ್ರಮ ಮುಗಿದ ನಂತರ ದೇನಾ ಹಿಂದಿರುಗುತ್ತಿರುವಾಗ ಶ್ರೀಲಂಕಾದ ಗಲ್ಲಾ ಬಳಿ ಸಮುದ್ರದಲ್ಲಿ ಅಮೆರಿಕಾ ಅದನ್ನು ಗುರಿಯಾಗಿಸಿಕೊಂಡಿತು. ಇದರಿಂದ ನೌಕೆ ಮುಳುಗಿ ಹೋಯಿತು. ಇದು ಇರಾನ್ ಮತ್ತು ಅಮೆರಿಕಾ ನಡುವಿನ ಹಿಂದಿನ ರಾಜತಾಂತ್ರಿಕ ಕಳವಳಗಳನ್ನು ಮತ್ತಷ್ಟು ಉಲ್ಬಣಗೊಳಿಸಿತು.