Bengaluru: ಬೆಂಗಳೂರು ಏರ್​ಪೋರ್ಟ್​ಗೆ ಬಂತು ಬೆತ್ತಲೆ ಫೋಟೋಗಳ ಪರ್ಸಲ್​; ಇದೇನು ವಾಮಾಚಾರದ ಪೆಟ್ಟಿಗೆನಾ?

ಬೆಂಗಳೂರು : ವಾಮಾಚಾರ ಅಥವಾ ಬ್ಲ್ಯಾಕ್​ ಮ್ಯಾಜಿಕ್​​ನಂತಹ ಕೆಲಸಗಳು ಹಳ್ಳಿಗಾಡು ಪ್ರದೇಶದಲ್ಲಿ ಹೆಚ್ಚು ಕಂಡು ಬರುತ್ತಿದ್ದವು. ಇದೀಗ ಬೆಂಗಳೂರು (Bengaluru) ಏರ್​​ಪೋರ್ಟ್​ಗೂ ಬ್ಲ್ಯಾಕ್ ಮ್ಯಾಜಿಕ್ (Black magic) ಬಾಕ್ಸ್ ಒಂದು​ ಬಂದಿದೆ ಎನ್ನಲಾಗ್ತಿದೆ. ದೇವನಹಳ್ಳಿ ಬಳಿ ಇರುವ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ (Kempegowda International Airport) ನಿತ್ಯ ಸಾವಿರಾರು ಜನರು ಓಡಾಡ್ತಾರೆ. ಈ ವಿಮಾನ ನಿಲ್ದಾಣದ ಅಂಚೆ ಕಚೇರಿಗೆ ಪಾರ್ಸೆಲ್ ಒಂದು ಬಂದಿದ್ದು, ಆ ಬಾಕ್ಸ್​​ನಲ್ಲಿರೋ ವಸ್ತುಗಳನ್ನ ಕಂಡು ಸಿಬ್ಬಂದಿ ಬೆಚ್ಚಿಬಿದ್ದಿದ್ದಾರೆ.
ಏರ್​ಪೋರ್ಟ್​ಗೆ ವಾಮಾಚಾರ ಶಂಕೆ? ದೇವನಹಳ್ಳಿಯ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಾಮಾಚಾರ ನಡೆಸಿರುವ ಶಂಕೆ ವ್ಯಕ್ತವಾಗಿದ್ದು, ಸ್ತ್ರೀ, ಪುರುಷನ ನಗ್ನ ಫೋಟೋ, ಹೂವಿನ ಹಾರ ಸೇರಿ ಇನ್ನಿತರ ವಸ್ತುಗಳಿದ್ದ ಪಾರ್ಸೆಲ್‌ವೊಂದು ಬಂದಿದ್ದು, ವಾಮಾಚಾರ ಮಾಡಿದ್ರಾ ಎಂಬ ಪ್ರಶ್ನೆ ಮೂಡಿದೆ. ಪರ್ಸಲ್​​​​ ಮೂಲಕ ಬಂದ ಬಾಕ್ಸ್​ ಕಂಡು ಶಾಕ್​ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಪೋಸ್ಟ್ ಆಫೀಸ್‌ಗೆ ಪಾರ್ಸೆಲ್‌ವೊಂದು ಬಂದಿದ್ದು, ತೆಗೆದು ನೋಡುತ್ತಿದ್ದಂತೆ ಅಧಿಕಾರಿಗಳು ಶಾಕ್ ಆಗಿದ್ದಾರೆ. ಏರ್ ಪೋರ್ಟ್ ಸಿಬ್ಬಂದಿಗಳ ಮೇಲೆ ವಾಮಾಚಾರ ನಡೀತಾ ಎನ್ನುವ ಪ್ರಶ್ನೆ ಮೂಡಿದೆ. ಅಲ್ಲದೇ ಏರ್​ಪೋರ್ಟ್​ ಸಿಬ್ಬಂದಿಗೆ ಬಾಕ್ಸ್ ನಲ್ಲಿ ವಾಮಾಚಾರ ಹೋಲುವ ವಸ್ತುಗಳು ಇದ್ದವು ಎನ್ನಲಾಗ್ತಿದೆ.