ஈரானின் தெற்கு பார்ஸ் எரிவாயு கிடங்கு தாக்குதல் பற்றி எங்களுக்கு எதுவும் தெரியாது: ட்ரம்ப்

ஈரானின் தெற்கு பார்ஸ் எரிவாயு கிடங்கு மீதான இஸ்ரேல் தாக்குதலுக்கும் அமெரிக்காவிற்கும் எந்தத் தொடர்பும் இல்லை என அமெரிக்க அதிபர் டிரம்ப் தெரிவித்துள்ளார். இஸ்ரேலின் இத்தாக்குதல் குறித்து எங்களுக்கு எதுவும் தெரிவிக்கப்படவில்லை. இதில் கத்தாருக்கும் எந்த பங்கும் இல்லை என ட்ரூத் சோஷியலில் அதிபர் ட்ரம்ப் விளக்கம் அளித்துள்ளார். இஸ்ரேல் தாக்குதலுக்கு பதிலடியாக, கத்தாரில் உள்ள மிகப்பெரிய LPG ஆலையை ஈரான் தாக்கியுள்ளது. எனினும், ஈரான் மீண்டும் கத்தார் மீது தாக்குதல் நடத்தினால், தெற்கு பார்ஸ் எரிவாயு கிடங்கு முழுவதையும் அமெரிக்கா அழிக்கும் என ட்ரம்ப் எச்சரிக்கை விடுத்துள்ளார்.