അമേരിക്കയുമായി ചർച്ചയ്ക്ക് തയ്യാറെന്ന് ഇറാൻ; ആക്രമണങ്ങൾ ഉടനടി അവസാനിപ്പിക്കണമെന്ന് നിബന്ധന

ഇസ്‌ലാമാബാദ്: 
അമേരിക്കയുമായുള്ള മധ്യസ്ഥ ചർച്ചകളിൽ പങ്കെടുക്കാൻ സമ്മതം അറിയിച്ച് ഇറാൻ. പാകിസ്ഥാൻ മുഖേനയാണ് ഇറാൻ ഉപാധികളോടെയുള്ള സമ്മതം കൈമാറിയത്. മാർച്ച് 29, 30 തീയതികളിൽ പാകിസ്ഥാൻ ആതിഥേയത്വം വഹിക്കുന്ന സൗദി അറേബ്യ, തുർക്കി, ഈജിപ്ത് എന്നീ രാജ്യങ്ങളുടെ വിദേശകാര്യ മന്ത്രിമാരുടെ യോഗത്തിൽ ഇക്കാര്യം പ്രധാന ചർച്ചാവിഷയമാകും.
 ചർച്ചകളിൽ പങ്കുചേരുന്നതിന് അഞ്ച് പ്രധാന നിബന്ധനകളാണ് ഇറാൻ മുന്നോട്ടുവെച്ചിട്ടുള്ളത്. ഇറാനുനേരെയുള്ള ആക്രമണങ്ങൾ ഉടനടി നിർത്തലാക്കണം. ഭാവിയിൽ അമേരിക്കയോ ഇസ്രായേലോ സൈനിക നീക്കങ്ങൾ നടത്തില്ലെന്ന് വിശ്വസനീയമായ ഉറപ്പ് നൽകണം. പാകിസ്ഥാൻ, സൗദി അറേബ്യ, ഈജിപ്ത്, തുർക്കി എന്നീ നാല് രാജ്യങ്ങൾ സമാധാന ചർച്ചകളിൽ സജീവമായ ഉത്തരവാദിത്തം ഏറ്റെടുക്കണം.