ஸ்கிரீன் அவார்ட்ஸ் 2026: 'துரந்தர்' படத்திற்காக சிறந்த துணை நடிகர் விருதை வென்றார் அக்ஷய் கன்னா

பாலிவுட் நட்சத்திரம் ஆலியா பட், நகைச்சுவை கலைஞர்கள் ஜாகிர் கான், சுனில் குரோவர் மற்றும் பத்திரிகையாளர் சௌரப் திவேதி ஆகியோர் இந்த விழாவைத் தொகுத்து வழங்கினர்.

மும்பை: இந்தியத் திரையுலகின் மிகவும் மதிப்புமிக்க விருதுகளில் ஒன்றான சேடக் ஸ்கிரீன் அவார்ட்ஸ் (Chetak Screen Awards 2026) வழங்கும் விழா ஞாயிற்றுக்கிழமை இரவு மும்பையில் மிகப்பொலிவாக நடைபெற்றது. இதில் 'துரந்தர்' (Dhurandhar) திரைப்படத்தில் ஆற்றிய சிறந்த நடிப்புக்காக, அக்ஷய் கன்னா 'சிறந்த துணை நடிகர் (ஆண்)' விருதினை வென்றார். பாலிவுட் நட்சத்திரம் ஆலியா பட், நகைச்சுவை கலைஞர்கள் ஜாகிர் கான், சுனில் குரோவர் மற்றும் பத்திரிகையாளர் சௌரப் திவேதி ஆகியோர் இந்த விழாவைத் தொகுத்து வழங்கினர்.

கடுமையான போட்டி

இந்த பிரிவில் அக்ஷய் கன்னாவுடன் பல மூத்த கலைஞர்கள் போட்டியிட்டனர். அவர்களுள் முக்கியமானவர்கள்:

ராகேஷ் பேடி (துரந்தர்)    

நசீருதீன் ஷா (குஸ்தாக் இஷ்க்)

சௌரப் சுக்லா (ஜாலி எல்.எல்.பி 3)

தீபக் டோப்ரியால் (ஜக்னுமா: தி ஃபேபிள்)

இவர்கள் அனைவரையும் பின்னுக்குத் தள்ளி அக்ஷய் கன்னா விருதைக் கைப்பற்றினார். மூத்த நடிகர் ராஜ் பாபர் இந்த விருதை அறிவித்தார். எனினும், சில காரணங்களால் அக்ஷய் கன்னா நேரில் வந்து விருதைப் பெற்றுக்கொள்ளவில்லை.

விருதுத் தேர்வின் நம்பகத்தன்மை

தி இந்தியன் எக்ஸ்பிரஸ் குழுமத்தால் நிறுவப்பட்ட இந்த விருதுகள், கலைத்திறனை மட்டுமே அடிப்படையாகக் கொண்டு வழங்கப்படுகின்றன. 53 புகழ்பெற்ற திரைப்பட இயக்குநர்கள் மற்றும் கலைஞர்களைக் கொண்ட ஒரு சுதந்திரமான அமைப்பு வெற்றியாளர்களைத் தேர்வு செய்தது. வித்யா பாலன், கரண் ஜோஹர், ராஜீவ் மேனன், ராஜ்குமார் ஹிரானி, ஸ்ரீராம் ராகவன் மற்றும் ஷூஜித் சிர்கார் போன்ற திரை ஆளுமைகள் இதில் அடங்குவர். தெற்கு கலிபோர்னியா பல்கலைக்கழகத்தின் சினிமா ஆய்வுகள் துறைத் தலைவர் டாக்டர் பிரியா ஜெய்குமார் உருவாக்கிய சிறப்பு மதிப்பீட்டு முறையின் கீழ், படங்களின் தரம் மற்றும் நடிப்புத் திறன் நுணுக்கமாக ஆராயப்பட்டுற்றியாளர்கள் அறிவிக்கப்பட்டனர்