തിയേറ്ററുകളിൽ നിന്ന് വാരിയത് 2000 കോടിക്കടുത്ത്, ‘ധുരന്ധർ 2’ ഇനി ഒടിടിയിൽ, എവിടെ കാണാം?

ആദിത്യ ധറിന്റെ സംവിധാനത്തിൽ രൺവീർ സിങ് നായകനായെത്തിയ സിനിമയാണ് ‘ധുരന്ധർ 2’. ആദ്യഭാ​ഗത്തെക്കാൾ ബോക്സോഫീസിൽ നേട്ടം കൊയ്യാൻ ‘ധുരന്ധർ 2’വിനായി. ഏതാണ്ട് 2000 കോടിക്കടുത്താണ് ഈ സിനിമയുടെ കളക്ഷൻ. ആദ്യ ഭാ​ഗത്തിന്റെ കളക്ഷനും 1000 കോടി കവിഞ്ഞിരുന്നു. ഇതോടെ ആദ്യ രണ്ട് ഭാഗങ്ങളുടെ ആഗോള ഗ്രോസ് ബോക്സ് ഓഫിസ് കളക്ഷൻ 3000 കോടി കടന്നെന്നാണ് റിപ്പോർട്ടുകൾ പറയുന്നത്. ഇപ്പോഴിതാ ചിത്രത്തിന്റെ ഒടിടി റിലീസ് സംബന്ധിച്ച വാർത്തകളാണ് പുറത്തുവരുന്നത്. 

കളക്ഷനിൽ റെക്കോർഡിട്ട ഈ ചിത്രത്തിന്റെ ഒടിടി സ്ട്രീമിങ് അവകാശം സ്വന്തമാക്കിയിരിക്കുന്നത് നെറ്റ്ഫ്ലിക്സാണ്. മെയ് 14 ന് ചിത്രം പ്രേക്ഷകരുടെ സ്വീകരണ മുറികളിലേക്കെത്തും. കേരളത്തിലും സിനിമ വമ്പൻ കളക്ഷനാണ് സ്വന്തമാക്കിയത്. 19 കോടിയിലേറെ രൂപ ധുരന്ധർ 2 കേരളത്തിൽ നിന്ന് നേടിയെന്നാണ് വിവരം. കേരളത്തിൽ നിന്ന് ഒരു ബോളിവുഡ് ചിത്രം നേടുന്ന ഏറ്റവും ഉയർന്ന കളക്ഷൻ കൂടിയാണിത്. ആദിത്യ ധർ, ജ്യോതി ദേശ്പാണ്ഡെ, ലോകേഷ് ധർ എന്നിവർ ചേർന്ന് നിർമിച്ച ഈ ചിത്രം ഹിന്ദി, തെലു​ഗു, തമിഴ്, കന്നഡ, മലയാളം എന്നീ ഭാഷകളിലാണ് ആ​ഗോള റിലീസായി തിയേറ്ററുകളിൽ എത്തിയത്