അബുദാബി: യുഎഇയിലെ വിവിധ പ്രദേശങ്ങളിൽ ചൊവ്വാഴ്‌ച മഴയ്ക്ക് സാധ്യത. കിഴക്കൻ മേഖലകളിൽ ഇടിമിന്നലോടുകൂടിയ മേഘങ്ങൾ തുടർച്ചയായി രൂപപ്പെടുന്നതിനാൽ ഈ ആഴ്‌ചയുടെ അവസാനം വരെ അസ്ഥിര കാലാവസ്ഥ തുടരാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. നാഷണൽ സെന്റർ ഓഫ് മീറ്റിയറോളജി പറയുന്നത് പ്രകാരം ഇന്ന് പൊതുവെ തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കും.
അബുദാബി: യുഎഇയിലെ വിവിധ പ്രദേശങ്ങളിൽ ചൊവ്വാഴ്‌ച മഴയ്ക്ക് സാധ്യത. കിഴക്കൻ മേഖലകളിൽ ഇടിമിന്നലോടുകൂടിയ മേഘങ്ങൾ തുടർച്ചയായി രൂപപ്പെടുന്നതിനാൽ ഈ ആഴ്‌ചയുടെ അവസാനം വരെ അസ്ഥിര കാലാവസ്ഥ തുടരാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. നാഷണൽ സെന്റർ ഓഫ് മീറ്റിയറോളജി പറയുന്നത് പ്രകാരം ഇന്ന് പൊതുവെ തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കും.
ഉച്ചയ്ക്കുശേഷം കിഴക്കൻ മേഖലകളിൽ ഇടിമിന്നലോടുകൂടിയ മേഘങ്ങൾ രൂപപ്പെടാനും ഇതിന്റെ ഭാഗമായി മഴ ലഭിക്കാനും സാധ്യതയുണ്ട്. പ്രത്യേകിച്ച് പടിഞ്ഞാറൻ മേഖലകളിൽ താപനിലയിൽ നേരിയ കുറവുണ്ടാകും. ദുബായിൽ പരമാവധി താപനില 43 ഡിഗ്രിയും കുറഞ്ഞ താപനില 31 ഡിഗ്രിയും ആയിരിക്കും. അബുദാബിയിൽ 41 ഡിഗ്രി വരെ താപനില ഉയരുകയും രാത്രിയിൽ 28 ഡിഗ്രി വരെ താഴുകയും ചെയ്യും. ലിവയിൽ 45 ഡിഗ്രിയും അൽ ഐനിൽ 44 ഡിഗ്രിയും താപനില രേഖപ്പെടുത്തുമെന്നാണ് പ്രവചനം.
ഇന്ന് രാത്രി മുതൽ നാളെ രാവിലെ വരെ ഈർപ്പം ഉയരാൻ സാധ്യതയുണ്ട്. ഇതിന്റെ ഫലമായി തീരപ്രദേശങ്ങളിലും ഉൾനാടൻ മേഖലകളിലും ചിലയിടങ്ങളിൽ മൂടൽമഞ്ഞിനും നേരിയ മഞ്ഞിനും സാധ്യതയുണ്ട്. കാറ്റ് പൊതുവെ നേരിയതോ മിതമായതോ ആയിരിക്കും. എന്നാൽ പടിഞ്ഞാറൻ കടൽമേഖലകളിൽ ചില സമയങ്ങളിൽ കാറ്റ് ശക്തമാകുകയും മണിക്കൂറിൽ 40 കിലോമീറ്റർ വരെ വേഗത കൈവരിക്കുകയും ചെയ്യും.
ഇന്നത്തേതിന് സമാനമായി ബുധനാഴ്‌ചയും അസ്ഥിര കാലാവസ്ഥ തുടരും. ഉച്ചയ്ക്കുശേഷം കിഴക്കൻ മേഖലകളിൽ വീണ്ടും ഇടിമിന്നലോടുകൂടിയ മേഘങ്ങൾ രൂപപ്പെടാനും മഴ ലഭിക്കാനും സാധ്യതയുണ്ട്. ചില സമയങ്ങളിൽ കാറ്റ് ശക്തമാകുന്നതോടെ പടിഞ്ഞാറൻ മേഖലകളിൽ പൊടിക്കാറ്റിനും പൊടിപടലങ്ങൾ ഉയരുന്നതിനും സാധ്യതയുണ്ട്. അറേബ്യൻ ഗൾഫിന്റെ പടിഞ്ഞാറൻ ഭാഗങ്ങളിൽ കടൽ ചില സമയങ്ങളിൽ പ്രക്ഷുബ്‌ധമാകാനും സാധ്യതയുണ്ട്.
വ്യാഴാഴ്‌ച ഉച്ചയ്ക്കുശേഷം കിഴക്കൻ മേഖലകളിൽ വീണ്ടും മഴയ്ക്ക് കാരണമാകുന്ന ഇടിമിന്നൽ മേഘങ്ങൾ രൂപപ്പെടുമെന്നാണ് പ്രവചനം. ഇതോടൊപ്പം താപനിലയിലും വീണ്ടും കുറവുണ്ടാകും. രാത്രി മുതൽ വെള്ളിയാഴ്‌ച രാവിലെ വരെ ചില തീരപ്രദേശങ്ങളിലും ഉൾനാടൻ മേഖലകളിലും മൂടൽമഞ്ഞിനും നേരിയ മഞ്ഞിനും സാധ്യതയുണ്ട്. കാറ്റിന്റെ വേഗത മണിക്കൂറിൽ 40 കിലോമീറ്റർ വരെ ഉയരാനും പൊടികാറ്റ് ഉയരാനും സാധ്യതയുണ്ട്.