ലിയോ പതിനാലാമൻ മാർപാപ്പയ്ക്ക് ശ്വാസകോശ അർബുദം സ്ഥിരീകരിച്ചു
വത്തിക്കാൻ സിറ്റി: ലിയോ പതിന്നാലാമൻ മാർപാപ്പയ്ക്ക് ശ്വാസകോശ അർബുദം (Lung Cancer) സ്ഥിരീകരിച്ചതായി വത്തിക്കാൻ ഔദ്യോഗികമായി അറിയിച്ചു. ഇതുസംബന്ധിച്ച് വത്തിക്കാൻ പ്രത്യേക വാർത്താക്കുറിപ്പാണ് പുറത്തിറക്കിയത്. മാർപാപ്പയുടെ വലതു ശ്വാസകോശത്തിന്റെ താഴത്തെ ഭാഗം ശസ്ത്രക്രിയയിലൂടെ നീക്കം ചെയ്തിട്ടുണ്ടെന്നും പ്രസ്താവനയിൽ വ്യക്തമാക്കുന്നുണ്ട്. ശ്വാസകോശത്തിൽ കണ്ടെത്തിയ മുഴ വിജയകരമായി നീക്കം ചെയ്തതായും, മാർപാപ്പയുടെ ശസ്ത്രക്രിയ പൂർണ്ണമായും വിജയകരമായിരുന്നുവെന്നും വത്തിക്കാൻ വക്താവ് മാധ്യമങ്ങളെ അറിയിച്ചു.
ചൊവ്വാഴ്ച റോമിലെ പ്രശസ്തമായ ജെമെല്ലി ആശുപത്രിയിലാണ് (Gemelli Hospital) മാർപാപ്പയ്ക്ക് സങ്കീർണ്ണമായ ശസ്ത്രക്രിയ നടത്തിയത്. ശസ്ത്രക്രിയയ്ക്കുശേഷം അദ്ദേഹത്തെ തീവ്രപരിചരണ വിഭാഗത്തിൽ നിന്നും സാധാരണ മുറിയിലേക്ക് മാറ്റിയതായും ആരോഗ്യനില തൃപ്തികരമാണെന്നും വത്തിക്കാൻ അധികൃതർ വ്യക്തമാക്കി. ലോകമെമ്പാടുമുള്ള കത്തോലിക്കാ വിശ്വാസികൾ മാർപാപ്പയുടെ രോഗവിവരമറിഞ്ഞ് ആശങ്കയിലാണെങ്കിലും, അദ്ദേഹം അപകടനില തരണം ചെയ്തെന്ന വാർത്ത വലിയ ആശ്വാസമായിട്ടുണ്ട്.
