Bigg Boss: ‘ಬಿಗ್ ಬಾಸ್ʼ ಮನೆಗೆ ಖ್ಯಾತ ಗಾಯಕನ ಎರಡನೇ ಪತ್ನಿ ಎಂಟ್ರಿ
ಸಲ್ಮಾನ್ ಖಾನ್ (Salman Khan) ನಿರೂಪಣೆಯ ಹಿಂದಿ ರಿಯಾಲಿಟಿ ಶೋ 'ಬಿಗ್ ಬಾಸ್ 20' (Bigg Boss 20) ಶೀಘ್ರದಲ್ಲೇ ಆರಂಭಗೊಳ್ಳಲಿದ್ದು, ಈ ಬಾರಿಯ ಸ್ಪರ್ಧಿಗಳ ಕುರಿತು ಊಹಾಪೋಹಗಳು ತೀವ್ರಗೊಂಡಿವೆ.
ಪ್ರಸಿದ್ಧ ಮಾಡೆಲ್ ಹಾಗೂ ಪಂಜಾಬಿ ನಟಿ, ರ್ಯಾಪರ್ ಬಾದ್ಶಾ ಅವರ ಎರಡನೇ ಪತ್ನಿ ಇಶಾ ರಿಖಿ (Isha Rikhi) ಬಿಗ್ ಬಾಸ್ ಮನೆ ಪ್ರವೇಶಿಸಲಿದ್ದಾರೆ ಎಂಬ ಸುದ್ದಿ ಭಾರಿ ಸದ್ದು ಮಾಡುತ್ತಿದೆ.
ವರದಿಗಳ ಪ್ರಕಾರ, ಶೋ ಆಯೋಜಕರು ಇಶಾ ರಿಖಿ ಅವರನ್ನು ಅಧಿಕೃತವಾಗಿ ಸಂಪರ್ಕಿಸಿದ್ದು, ಅವರು ಈ ಶೋನಲ್ಲಿ ಭಾಗವಹಿಸಲು ಸಮ್ಮತಿಸಿದ್ದಾರೆ ಎನ್ನಲಾಗಿದೆ. ಇವರೊಂದಿಗೆ ಮತ್ತೊಬ್ಬ ಪಂಜಾಬಿ ನಟಿ ಹಾಗೂ ಸೋಶಿಯಲ್ ಮೀಡಿಯಾ ಸ್ಟಾರ್ ಅರಿಶ್ಫಾ ಖಾನ್ ಕೂಡ ಬಿಗ್ ಬಾಸ್ಗೆ ಪ್ರವೇಶಿಸಲಿದ್ದಾರೆ ಎಂಬ ಗಾಸಿಪ್ಗಳು ಕೇಳಿಬರುತ್ತಿವೆ.
