IND vs SA: ಅಮ್ಮನಿಗೆ ಯಾರಿಗೆ ಸಪೋರ್ಟ್​ ಮಾಡ್ಬೇಕು ಎಂಬುದೇ ಗೊಂದಲ!

T20 World Cup 2026 ಟೂರ್ನಿಯ ಸೂಪರ್-8 ಪಂದ್ಯಗಳು ಫೆಬ್ರವರಿ 21ರಿಂದ ಆರಂಭವಾಗಲಿವೆ. ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ್ ಹಾಗೂ ನ್ಯೂಝಿಲೆಂಡ್ ಮುಖಾಮುಖಿಯಾಗಲಿದ್ದು, ಎರಡನೇ ಪಂದ್ಯದಲ್ಲಿ ಇಂಗ್ಲೆಂಡ್ ಮತ್ತು ಶ್ರೀಲಂಕಾ ಸೆಣಸಲಿವೆ. ಮೂರನೇ ಪಂದ್ಯದಲ್ಲಿ India national cricket team ಮತ್ತು South Africa national cricket team ತಂಡಗಳು ಭಾನುವಾರ (ಫೆ.22) ಕೊಲ್ಕತ್ತಾದ Eden Gardens ಮೈದಾನದಲ್ಲಿ ಮುಖಾಮುಖಿಯಾಗಲಿವೆ. ಈ ಪಂದ್ಯಕ್ಕೆ ವಿಶೇಷ ಕುತೂಹಲ ಮೂಡಿಸಿರುವುದು ಮೋರ್ನೆ ಮೊರ್ಕೆಲ್ ಮತ್ತು ಅಲ್ಬಿ ಮೊರ್ಕೆಲ್ ಸಹೋದರರ ಕಾರಣದಿಂದಾಗಿದೆ. 

ಮಾಜಿ ದಕ್ಷಿಣ ಆಫ್ರಿಕಾ ಆಟಗಾರರಾದ Morne Morkel ಟೀಮ್ ಇಂಡಿಯಾದ ಬೌಲಿಂಗ್ ಕೋಚ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರೆ, Albie Morkel ದಕ್ಷಿಣ ಆಫ್ರಿಕಾ ತಂಡದ ಸ್ಪೆಷಲಿಸ್ಟ್ ಕೋಚಿಂಗ್ ಕನ್ಸಲ್ಟೆಂಟ್ ಆಗಿದ್ದಾರೆ. ಹೀಗಾಗಿ ಅವರ ತಾಯಿ ಮರಿಯಾನಾ ಮೊರ್ಕೆಲ್ ಯಾರಿಗೆ ಬೆಂಬಲ ನೀಡಬೇಕು ಎಂಬ ಗೊಂದಲದಲ್ಲಿದ್ದಾರೆ ಎಂದು ಮೋರ್ನೆ ಮೊರ್ಕೆಲ್ ತಿಳಿಸಿದ್ದಾರೆ. ಭಾರತ ತಂಡದ ಗೆಲುವು ಮೋರ್ನೆಗೆ ಸಂತೋಷ ತಂದರೆ, ದಕ್ಷಿಣ ಆಫ್ರಿಕಾ ಸೋತರೆ ಅಲ್ಬಿ ನಿರಾಶೆಯಾಗುವ ಸಾಧ್ಯತೆ ಇದೆ. ಹೀಗಾಗಿ ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಿನ ಈ ಪಂದ್ಯ ಇದೀಗ ಸಹೋದರರ ಸವಾಲಾಗಿ ಪರಿಣಮಿಸಿದೆ. ಕ್ರೀಡಾಭಿಮಾನಿಗಳಲ್ಲಿ ಈ ಮುಖಾಮುಖಿಗೆ ಭಾರಿ ನಿರೀಕ್ಷೆ ಮೂಡಿದ್ದು, ಸೂಪರ್-8 ಹಂತದ ಈ ಪಂದ್ಯ ಟೂರ್ನಿಯ ಪ್ರಮುಖ ಸೆಣಸಾಟಗಳಲ್ಲಿ ಒಂದಾಗಿ ಕಾಣುತ್ತಿದೆ.