గోపీచంద్ కొత్త సినిమా.. హీరోయిన్ ఫిక్స్..
ఇంటర్నెట్ డెస్క్: హీరో గోపీచంద్ (Gopichand) మరో ప్రతిష్టాత్మక చిత్రంతో అలరించేందుకు సిద్ధమైన విషయం తెలిసిందే. సంకల్ప్రెడ్డి దర్శకత్వంలో ఓ సినిమాలో నటిస్తున్నారు. గోపీచంద్ 33వ (Gopichand 33) చిత్రంగా ఇది ప్రచారంలో ఉంది. భారీ బడ్జెట్తో రానున్న ఈ సినిమాలో రీతు వర్మ (Ritu Varma)ను హీరోయిన్గా ఎంపిక చేశారు. ఈ విషయాన్ని అధికారికంగా ప్రకటిస్తూ ఆమె పోస్టర్ను విడుదల చేశారు. ఇందులో రీతూ ‘సత్యవతి’ అనే పాత్రలో కనిపించనున్నట్లు తెలిపారు.
పోస్టర్లో ఆమె లుక్ పవర్ఫుల్గా, పాత్రకు తగ్గట్టుగా వైవిధ్యంగా కనిపిస్తోంది. 7వ శతాబ్దానికి చెందిన, చరిత్రలో పెద్దగా వెలుగులోకి రాని ఓ యదార్థ సంఘటన నేపథ్యంలో ఈ పీరియడ్ యాక్షన్ డ్రామా తెరకెక్కుతుండటం విశేషం. మరింత సమాచారం, ఇతర నటీనటుల వివరాలను త్వరలోనే వెల్లడిస్తామని మేకర్స్ తెలిపారు. శ్రీనివాస సిల్వర్ స్క్రీన్ బ్యానర్పై శ్రీనివాస చిట్టూరి నిర్మాతగా వ్యవహరిస్తున్నారు.