കുറഞ്ഞ ശമ്പളം 52600 രൂപ; വ്യത്യസ്ത ഫിറ്റ്മെന്റ് ഫാക്ടര്, പുതിയ ആവശ്യവുമായി റെയില്വെ ജീവനക്കാര്
എട്ടാം ശമ്പള കമ്മീഷന് മുമ്പാകെ ആവശ്യങ്ങളുമായി ഇന്ത്യൻ റെയിൽവേ ടെക്നിക്കൽ സൂപ്പർവൈസേഴ്സ് അസോസിയേഷൻ (IRTSA). മെയ് 19-ന് ഹൈദരാബാദിൽ നടന്ന ചർച്ചയിലാണ് സംഘടന കേന്ദ്ര സർക്കാരിനോട് മികച്ച ശമ്പള പരിഷ്കരണം ആവശ്യപ്പെട്ടത്. ടെക്നിക്കൽ ജീവനക്കാർക്ക് മെച്ചപ്പെട്ട ശമ്പള ഘടന വേണം. കുറഞ്ഞ അടിസ്ഥാന ശമ്പളം വർദ്ധിപ്പിക്കണമെന്നും അസോസിയേഷൻ കമ്മീഷനോട് അഭ്യർത്ഥിച്ചിട്ടുണ്ട്.
കുറഞ്ഞ അടിസ്ഥാന ശമ്പളം 52,600 രൂപയായി ഉയർത്തണമെന്നാണ് പ്രധാന ആവശ്യം. സീനിയർ സെക്ഷൻ എൻജിനിയർ തസ്തിക ഗ്രൂപ്പ്-ബി ഗസറ്റഡ് പദവിയിലേക്ക് മാറ്റണം. വിവിധ വിഭാഗങ്ങളിലെ തൊഴിലാളികൾക്ക് പ്രത്യേക ഫിറ്റ്മെന്റ് ഫാക്ടർ വേണമെന്നും അവർ ആവശ്യപ്പെട്ടു. നിലവിലുള്ള ശമ്പളം പരിഷ്കരിക്കാൻ ഫിറ്റ്മെന്റ് ഫാക്ടർ അത്യാവശ്യമാണ്. സുരക്ഷാ വിഭാഗത്തിലെ തസ്തികകൾക്ക് ഉയർന്ന ഫിറ്റ്മെന്റ് ഫാക്ടർ നൽകണമെന്നും അസോസിയേഷൻ നിർദ്ദേശിച്ചു.
ലെവൽ-1 പോസ്റ്റുകൾക്ക് 2.92 ഫിറ്റ്മെന്റ് ഫാക്ടർ നടപ്പിലാക്കണമെന്ന് സംഘടന ആവശ്യപ്പെടുന്നു. ലെവൽ 6 മുതൽ 12 വരെയുള്ള തസ്തികകൾക്ക് ഉയർന്ന ഫിറ്റ്മെന്റ് ഫാക്ടർ സംഘടന നിർദ്ദേശിച്ചു.
ഈ ശുപാർശകൾ ശമ്പള ഘടനയിലെ അപാകതകൾ പരിഹരിക്കാൻ സഹായിക്കും. കമ്മീഷൻ എല്ലാ വിവരങ്ങളും പരിശോധിച്ച ശേഷം അന്തിമ റിപ്പോർട്ട് തയ്യാറാക്കും. ക്കി കേന്ദ്ര സര്ക്കാരിന് സമര്പ്പിക്കും. കേന്ദ്രമന്ത്രിസഭ ഈ റിപ്പോര്ട്ട് അംഗീകരിച്ചാല് പുതിയ ശമ്പള സ്കെയില് നിലവില് വരും. ഏകദേശം അടുത്ത വര്ഷമാകും പുതിയ ശമ്പളം നടപ്പാക്കുക എന്നാണ് റിപ്പോര്ട്ടുകള്.
പ്രൊമോഷൻ ഘടനയും ആനുകൂല്യങ്ങളും
ജൂനിയർ എൻജിനിയർമാർക്കായി അഞ്ച് ഗ്രേഡുകളുള്ള പ്രൊമോഷൻ ഹൈരാർക്കി കൊണ്ടുവരണം. ലെവൽ-7ൽ നിന്ന് ഈ പ്രൊമോഷൻ ഘടന ആരംഭിക്കണമെന്ന് അസോസിയേഷൻ ആവശ്യപ്പെട്ടു. റെയിൽവേ എൻജിനിയർമാർ നിലവിൽ സ്ഥാനക്കയറ്റം ലഭിക്കാതെ ബുദ്ധിമുട്ടുകയാണ്. ഗ്രൂപ്പ്-ബിയിലേക്കുള്ള പ്രൊമോഷൻ തടസ്സം നീക്കണമെന്നും ഇവർ ആവശ്യപ്പെടുന്നു. ട്രെയിനിംഗ് കാലയളവ് എം.എ.സി.പി.എസ് (MACPS) പദ്ധതിയിൽ ഉൾപ്പെടുത്തണമെന്നും സംഘടന ആവശ്യപ്പെട്ടു.
നൈറ്റ് ഡ്യൂട്ടി, ഓവർടൈം തുടങ്ങിയ അലവൻസുകൾ ജീവനക്കാർക്ക് ലഭ്യമാക്കണം. പ്രൊഡക്ഷൻ കൺട്രോൾ ഓർഗനൈസേഷൻ (PCO) അലവൻസ് നിർത്തലാക്കരുത്. ഇത് ഉൽപ്പാദനക്ഷമത കൂട്ടാൻ സഹായിക്കുമെന്ന് സംഘടന ചൂണ്ടിക്കാട്ടി. അപകടരഹിത സേവനത്തിനുള്ള അവാർഡും റിസ്ക് അലവൻസും ലഭ്യമാക്കണം. തുറന്ന ലൈനിലെ എൻജിനിയർമാർക്കും സ്റ്റാഫുകൾക്കും ഈ ആനുകൂല്യങ്ങൾ വ്യാപിപ്പിക്കണം. പല സംഘടനകളും സമാനമായ ആവശ്യങ്ങൾ കമ്മീഷന് മുമ്പാകെ സമർപ്പിച്ചിട്ടുണ്ട്.
IRTSA മുന്നോട്ടുവെച്ച ആവശ്യങ്ങളിൽ നിലവിൽ തീരുമാനമൊന്നും എടുത്തിട്ടില്ല. കമ്മീഷൻ വിവിധ തട്ടുകളിൽ നിന്ന് വിവരങ്ങൾ ശേഖരിച്ചു വരികയാണ്. ഈ ആവശ്യങ്ങൾ പരിശോധിച്ച ശേഷം കമ്മീഷൻ റിപ്പോർട്ട് തയ്യാറാക്കും. തുടർന്ന് ഈ ശുപാർശകൾ കേന്ദ്ര സർക്കാരിന് സമർപ്പിക്കും. നിലവിൽ മറ്റ് സംഘടനകളും ശമ്പള പരിഷ്കരണത്തിനായി കമ്മീഷനുമായി ചർച്ചകൾ നടത്തി വരികയാണ്.