ICC World Cup 2027: సౌతాఫ్రికా, జింబాబ్వే, నమీబియా టీ20 ట్రై-సిరీస్ షెడ్యూల్ ఇదే!

2027 ఐసీసీ మెన్స్ వన్డే ప్రపంచ కప్‌కు సంయుక్తంగా ఆతిథ్యమివ్వనున్న పొరుగు దేశాలు దక్షిణాఫ్రికా, జింబాబ్వే, నమీబియా చారిత్రాత్మక టీ20 (T20I) ముక్కోణపు సిరీస్‌లో తలపడటానికి సిద్ధమయ్యాయి. నమీబియా రాజధాని విండ్‌హోక్ వేదికగా ఆగస్టు 28వ తేదీన ప్రారంభం కానున్న ఈ టోర్నమెంట్, వచ్చే ఏడాది జరగబోయే వన్డే ప్రపంచ కప్‌కు అత్యంత కీలకమైన ముందస్తు సన్నాహకంగా నిలవనుంది. 24 ఏళ్ల సుదీర్ఘ విరామం తర్వాత వన్డే ప్రపంచ కప్ మళ్లీ ఆఫ్రికా ఖండానికి తిరిగి వస్తుండటంతో, ప్రాంతీయంగా క్రికెట్ ని మరింత బలోపేతం చేస్తూ అభిమానుల్లో ఉత్సాహాన్ని నింపేందుకు ఈ సిరీస్ దోహదపడనుంది. అంతేకాదు, 2027 నుంచి ప్రారంభించనున్న సరికొత్త ఖండాల టోర్నమెంట్ ఆఫ్రికా కప్ కు కూడా ఈ ట్రై-సిరీస్ స్ట్రాంగ్ పునాది వేస్తుందని ఆఫ్రికా క్రికెట్ అసోసియేషన్ (ACA) ఛైర్మన్ తవేంగ్వా ముకుహ్లానీ వెల్లడించారు.

నమీబియా సీఈఓ జోహాన్ ముల్లర్: తమతో కలిసి పని చేసేందుకు ముందుకు వచ్చిన దక్షిణాఫ్రికా, జింబాబ్వే బోర్డులకు ధన్యవాదాలు తెలుపుతూ, ఈ భాగస్వామ్యం ఆఫ్రికన్ క్రికెట్ భవిష్యత్తుకు శుభసూచకమని వ్యాఖ్యానించారు.