మున్సిపల్ ట్రైనింగ్కు రామగుండం కార్పొరేటర్లు డుమ్మా..

గోదావరిఖని, వెలుగు: హైదరాబాద్​లోని గచ్చిబౌలిలో నిర్వహించే శిక్షణా తరగతులకు రామగుండం మున్సిపల్ కార్పొరేటర్లు డుమ్మా కొట్టారు. రాష్ట్రంలో మున్సిపల్, కార్పొరేషన్​ఎన్నికల్లో గెలుపొందిన కౌన్సిలర్లు, కార్పొరేటర్లకు వివిధ అంశాలపై అవగాహన కల్పించేలా మున్సిపల్​అడ్మినిస్ట్రేషన్ విభాగం ఆధ్వర్యంలో శిక్షణా తరగతులు నిర్వహిస్తున్నారు. ఇందులో భాగంగా పెద్దపల్లి, మంచిర్యాల జిల్లాలకు చెందిన కార్పొరేషన్లు, మున్సిపాలిటీల ప్రజాప్రతినిధులకు గురువారం శిక్షణ ఇచ్చేలా అధికారులు ప్లాన్ చేశారు

రెండు బస్సులను ఏర్పాటుచేసి ఒక్కో బస్సుకు రూ.43 వేల చొప్పున కార్పొరేషన్ ​నుంచి ఆర్టీసీకి రూ.86 వేలు చెల్లించారు. ఉదయం 5 గంటలకు రెండు రాజధాని ఏసీ బస్సులు కార్పొరేషన్​ ఆఫీస్ వద్దకు రాగా.. 60 మంది కార్పొరేటర్లకు గాను కేవలం సీపీఐ కార్పొరేటర్​ మార్కపురి సూర్య, కాంగ్రెస్​ కార్పొరేటర్లు మౌనిక, మానస, స్వప్నప్రియ, బాలసాని తిరుపతి, బీఆర్​ఎస్​ కార్పొరేటర్​ మేకల సమ్మయ్య మాత్రమే చేరుకున్నారు. ఉదయం 9.30 గంటలకు హైదరాబాద్​లో రిపోర్ట్​ చేయాల్సి ఉండగా ఎవరూ రాలేదు. దీంతో ముగ్గురు మహిళా కార్పొరేటర్లు కూడా ఇండ్లకు వెళ్లిపోవడంతో మిగిలిన ముగ్గురు కూడా డ్రాప్​ అయ్యారు. కార్పొరేషన్​లో ఆఫీసర్లు కనీస ప్రొటోకాల్ కూడా పాటించడం లేదని, ఈ విషయమై ఇటీవల కలెక్టర్‌‌‌‌కు కూడా వినతిపత్రం సమర్పించినట్లు కార్పొరేటర్లు సూర్య, మేకల సమ్మయ్య పేర్కొన్నారు.