ജിം സമയവുമായി ക്ലാഷ് ആകുന്നു; രാവിലെ 9 മണിക്കുള്ള കോടതി ഡ്യൂട്ടി നിരസിച്ച് ജെൻ സി ഇന്റേൺ

ഒരു ഡൽഹി അഭിഭാഷകൻ തന്റെ ജൂനിയർ ഇന്റേണുമായുണ്ടായ രസകരമായ ഒരു അനുഭവം പങ്കുവെച്ചതിലൂടെ തൊഴിലിടങ്ങളിലെ പ്രതീക്ഷകളെക്കുറിച്ചുള്ള ചർച്ചകൾക്ക് തുടക്കമിട്ടിരിക്കുകയാണ്. രാവിലെ 9 മണിക്ക് കോടതിയിൽ ഹാജരാകാൻ ആവശ്യപ്പെട്ടപ്പോൾ ഇന്റേൺ നൽകിയ മറുപടിയാണ് അദ്ദേഹത്തെ അത്ഭുതപ്പെടുത്തുകയും ചിരിപ്പിക്കുകയും ചെയ്തത്. ജോലി സംബന്ധമായ ഉത്തരവാദിത്തങ്ങൾ കൈകാര്യം ചെയ്യാൻ രാവിലെ 9 മണിക്ക് കോടതിയിൽ എത്താനാണ് അഭിഭാഷകൻ ഇന്റേണിനോട് ആവശ്യപ്പെട്ടത്. എന്നാൽ പ്രതീക്ഷിച്ചതുപോലെ കാര്യങ്ങൾ എളുപ്പമായിരുന്നില്ലെന്ന് എക്സിൽ പങ്കുവെച്ച പോസ്റ്റിൽ അദ്ദേഹം വ്യക്തമാക്കുന്നു.
ആ സമയത്ത് കോടതിയിലെത്താൻ ബുദ്ധിമുട്ടാണെന്ന് ഇന്റേൺ മറുപടി നൽകിയതായി അഭിഭാഷകൻ പോസ്റ്റിൽ പറഞ്ഞു. കാരണം, ആ സമയം തന്റെ ജിം ഷെഡ്യൂളുമായി മാറ്റിവെക്കാൻ കഴിയാത്തതാണെന്നായിരുന്നു ഇന്റേണിന്റെ വാദം. പിന്നീട് ഒരു പ്രത്യേക ഇളവായി മാത്രം ആ ജോലി ചെയ്യാൻ ഇന്റേൺ സമ്മതിച്ചു. ഈ സംഭവത്തെക്കുറിച്ച് സംസാരിച്ച അഭിഭാഷകൻ, തൊഴിലിടങ്ങളിലെ സീനിയർ-ജൂനിയർ പരമ്പരാഗത ബന്ധത്തെക്കുറിച്ച് താൻ പുനർചിന്തനം നടത്തേണ്ടിയിരിക്കുന്നുവെന്ന് തമാശയായി പറഞ്ഞു.
ജോലി സംബന്ധമായ കാര്യങ്ങൾക്കായി രാവിലെ 9 മണിക്ക് കോടതിയിലെത്താൻ ഒരിന്റേണിനോട് പറഞ്ഞു. എന്നാൽ തനിക്ക് ജിമ്മിൽ പോകേണ്ടതുള്ളതിനാൽ അത് സാധ്യമല്ലെന്നും, ഒരു തവണത്തെ പ്രത്യേക ഇളവായി മാത്രം അത് ചെയ്യാമെന്നും അയാൾ പറഞ്ഞു എന്ന് അഭിഭാഷകൻ എഴുതി. തുടർന്ന് അദ്ദേഹം ഇങ്ങനെ കൂട്ടിച്ചേർത്തു, "ഈ ഘട്ടത്തിൽ ഞാൻ അയാളുടെ സീനിയറോ, ജൂനിയറോ, അതോ അസിസ്റ്റന്റാണോ എന്ന് എനിക്ക് സംശയമുണ്ട്. ഇത് അംഗീകരിക്കാൻ കഴിയില്ല."