புனித அயோத்தி நகரில் முஸ்லிம்கள் நுழைய தடை விதிக்க துறவிகள் கோரிக்கை

புதுடெல்லி: உத்தர பிரதேசத்​தின் அயோத்தி யில் உள்ள ராமர் கோயிலைக் காண முஸ்​லிம்​களும் அனு​ம​திக்​கப்​படு​கின்​றனர். ஆனால் கரு​வறை​யில் நுழைய மட்​டும் அனு​ம​திப்​ப​தில்​லை.

 இச்​சூழலில், ராமர் கோயி​லில் கடந்த வாரம் வந்த ஒரு முஸ்​லிம் இளைஞர், சால்வை விரித்து தொழுகை நடத்த முயற்​சித்​தார். உடனடி​யாக இதைப் பார்த்த பாது​காப்பு போலீ​ஸார் அந்த இளைஞரை தடுத்து நிறுத்​தினர். போலீ​ஸாரின் விசா​ரணைக்கு பிறகு அவர் எச்​சரிக்​கப்​பட்டு விடுவிக்​கப்​பட்​டார்.

 இந்த சம்​பவம் அயோத்​தி​யைச் சேர்ந்த துறவி​கள் மத்​தி​யில் கடும் கொந்தளிப்பை ஏற்​படுத்​தி​யுள்​ளது. முஸ்​லிம்​கள் அயோத்​தி​யில் நுழையத் தடை விதிக்க வேண்​டும் என்று அவர்கள் கோரியுள்ளனர்.